Page 6 - ATA MAY 2015

Diabierna 22 Mei 2015 Pagina 17

Solo di Pueblo

ARUBA TOURISM AUTHORITY CU OTRO INITIATIVA INOVATIVO

SEPTEMBER 2015 LO INICIA CU E PROME RESTAURANT
WEEK PROMOVIENDO PRODUCTONAN PRODUCI LOCAL

Local y turistanan por

disfruta dos siman

largo di tur loke Aruba

tin pa ofrece y produci

localmente den

restaurantnan cu ta

participa durante e asina

yama ‘Eat Local Aruba

Restaurant Week’.

For di dia 28 di September
2015 te cu dia 9 di
October 2015 e evento
nobo aki ta duna esnan
cu tin un afinidad pa e
mundo culinario, como
tambe connoisseurs di
biña, y naturalmente tur
hende cu gusta cuminda,
un oportunidad pa
explora Aruba su mundo
culinario.

E restaurantnan cu ta
participa tin diferente
prijsnan variando entre
US$ 15.- pa US$ 40.-
Esnan cu ta participa
no mester di ticket,
nan por simplemente
bishita e restaurantnan
cu participa durante e
fechanan menciona y
disfruta di e plato special
cu nan ta ofrece, aunke
ta recomenda pa haci
reservacion adelanta.

Aruba Tourism Authority
(A.T.A.) a bin cu e
iniciativa aki pa asina
mustra e diversidad
amplio cu Aruba ta ofrece
riba tereno culinario, na
unda e platonan cu a
inicia localmente ta wordo
incorpora den e menunan
di e restaurantnan
y asina ofreciendo
e bishitantenan un
variacion amplio.