Page 38 - Djasabra 7 yuli 2018.pdf

38 Djasabra 7 Yüli 2018
“E sekreto di nos éksito
ta Perseveransia”
5 Aña Fundashon VIBA

WILLEMSTAD.-
Fundashon Vishon
Bandabou (VIBA) a kumpli
sinku aña di eksistensia.
5 di yüli 2013 Bándabou
tabata di fiesta na momento
ku e lus a kuminsá bria
i e skuridat a kuminsá
disparsé.
E lus di speransa
“Fundashon ViBa” a nase.
Despues ku tabatin
hopi aña ku e pueblo di
Bándabou tabata wòrdu
trata manera “3’e Rangs
Burgers” i ku pa hopi aña
tabata wòrdu engañá dor
di polítikonan pa despues
e pueblo wòrdu lubidá,
algun hóben determiná i
ku vishon a sa di uni na
bienestar di e pueblo di
Bándabou pa pone un paro
na tur aktonan di mala fe i
inhustisia aki.
No tabata fásil, durante
5 aña aki Fundashon VIBA
a konfrontá hopi opstákulo
den kaminda.
Segun Presidente di
Fundashon VIBA Selfrin
Sambo, hopi pia a wòrdu
pone pa ViBa por kai i asta
ku e deseo pa ViBa por
kibra.
Pero a lubidá ku lokual
ku ta di Dios hamas lo por
kibra. ViBa por a trompeká
pero a sa di lanta para
i sigui. “Duru ta ora e
hendenan di bo mes área ta
bringa bu pa motibunan ku
nan no ta kontentu ku algun
hóben a lanta i ta bringa do
i luchando pa pone kosnan
kana ku nunka no a haña
atenshon na lugá di a wak e
kousa o a uni a bringa ViBa.
Pero atrobe pa a kibra ViBa
tin ku Bringa kontra Dios”.
P’esei danki na Dios Tata
todopoderoso na promé
lugá i danki di kurason
na tur e miembronan ku a
forma parti di Fundashon
ViBa i ku ta formando parti
di Fundashon ViBa.
ViBA ta yama danki na e
pueblo di Bándabou ku a sa
di sostené e Fundashon, i
tambe na tur spònsernan ku
durante 5 aña di eksistensia
a sa di habri brasa pa nan
kada momento ku nan
tabatin mester.
“E sekreto di nos éksito
ta “Perseveransia”
Pueblo di Bándabou i
Kòrsou en general, danki
un biaha mas pa durante
e 5 añanan a duna nos e
forsa pa sigui.
Fundashon VIBA tei
pa keda. Nos lo ta na
rudia dilanti Dios i riba
pia pa enfrentá mundu”,
Presidente Selfrin Sambo a SOSEGA NA PAS
finalisá bisando.