Page 24 - HOSPITAAL

Ta asina cu ta financia AZV via tres fuente. Uno ta e prima di AZV, e otro ta e BAZV y e

di tres parti ta e contribucion di gobierno, cual ta e landsbijdrage. Con e diferente

fuentenan, con nan mester ta regla, basicamente ta decision di gobierno. Con cu bay bin e

gastonan di AZV ta riba un cierto nivel y mester cubri esey. Si bo ta cubri mayoria via di

e prima, of via di e BAZV, via di contribucion di gobierno, e tin diferente influencia riba

e economia. Si pone e peso hopi riba e prima, e ta bay influencia e mercado laboral.

Pasobra e prima basicamente ta paga door di e hendenan cu ta trahando, den un cierto

reparticion entre e dunado di trabao y empleado. Si hisa e prima ey, e ta bay afecta

naturalmente e mercado laboral. E ta haci e parti laboral mas caro.

Si aumenta e BAZV, esey ta cay pa tur persona. Hasta pa turista, den un manera di bisa,

cu ta cumpra cos na Aruba. E ta un otro reparticion di e peso. Si pone e parti di

landsbijdrage, e contribucion di gobierno, si e peso ta mas riba esey, e ta un otro

reparticion atrobe pasobra eynan, por ehempel, e belasting di entrada
(inkomstenbelasting) ta un parti hopi grandi. Inkomstenbelasting ta progresivo. Mas

entrada bo tin, bo ta paga un porcentahe mas grandi di belasting. Ta decisionnan cu no ta

directamente cay pa AZV. Esey ta gobierno ta tuma esey como cu e tin efectonan

macroeconomico. Den esey, gobierno, esey tambe ta un conseho di por ehempel Raad

van Advies, ta bisa cu ta haya en todo caso cu e AZV, den e caso aki, mester menos

depende di e landsbijdrage. Laga nan depende riba nan propio fondo, es decir, e prima y e

BAZV. Den esey gobierno na dado momento a dicidi aumenta e BAZV, esey tin menos

efecto riba e mercado laboral y door di e aumento di BAZV, automaticamente e

contribucion di gobierno for di caha di gobierno, por baha drasticamente tambe. Esey ta

pa e aña coriente y e siguiente aña tambe. Si gastonan keda subi, y e ta keda subi, mester

controla pa e aumento ta gradual. Dado momento mester ahusta un di e fuentenan atrobe
pa por cubri e aumento di e gastonan. Awor aki a scoge pa aumenta e BAZV y