Page 16 - AWEMAINTA

16 AWEMainta Diaranson, 18 Juli 2018

Graduacion di Thais Franken pa Bachelor of Arts den

Organization, Governance, and Management

DIABIERNA 6 di juli ultimo den Aula di
Universidad di Aruba, Thais Franken a defende
su tesis exitosamente dilanti di e comision di
graduacion cu tabata consisti di dr. Luc Alofs,

drs. Yolanda Richardson y Zulema Dabian-
Erasmus, M.A.
E defensa di e tesis a tuma lugar dilanti di un
audiencia mixto di famia y studiante.

Thais Franken a haci su pasantia na Departamento
di Economia, Comercio y Industria (DEZHI).
Aya su pasion pa cultura y su interes den e tema
di “Sustainable Development Goals” (SDGs)

den e area di cultura y creatividad, cu lo por ta
un posibel pilar economico nobo pa Aruba, a
crece mas y mas.
Prome cu esaki Thais Franken a haci un
intercambio educacional na Belgica y el a haci
un “summer course” na Haagse Hogeschool.
Como studiante Thais Franken tabata asistente

di dr. Luc Alofs den cuadro di e proyecto
Travelling Cultural Heritage, cual proyecto ta
financia pa Instituto Hulandes pa investigacion
scientifico (NWO).

Den cuadro di su tesis Thais Franken a studia e.o.
documentonan nacional di maneho economico,
documentonan di UNESCO y documento cu ta
investiga con paisnan cu un economia chikito

(SIDS) por atende cu e tema di “Sustainable
Development”.
Tambe el a graduada pa haci un inventarisacion
di recursonan cultural y creativo di Aruba. Thais
Franken a entrevista 16 representante den e
veld cultural y creativo y el a haci un SWOT y
TOWS analisis.

E analisis a duna 28 strategia cu lo por facilita un
desaroyo di un niche nobo na Aruba den e area
di cultura y creatividad e asina yama “Culture
and Creative Industries (CCI).

Thais Franken awor ta bay haci su master na
Universidad di Maastricht. Universidad di
Aruba, particularmente Departamento di

‘Organization, Governance, and Management’,
ta felicita Thais Frnken cu e logro aki y ta desea
e tur clase di exito na Maastricht.
Pa mas informacion riba e estudio OGM,
bishita e pagina di web di Universidad di
Aruba na http://www.ua.aw/OGM y e pagina
di Facebook cual ta https://www.facebook.com/

pages/University-of-Aruba-OGM-Organization-
Governance-Management-FAS/