Page 16 - MIN ON_Neat

Dia 5 di juni ultimo Parlamento di Aruba a aproba unanimamente e “Landsverordening
kinderopvang” cu Minister di Enseñansa, Michelle Hooyboer-Winklaar, a presenta. Tur
miembro di Parlamento a mira e importancia di e ley aki cu ta proteha tur mucha di zero
te cu mas o menos diesdos aña cu ta bay un pasadia, crèche, speelschool of un
Traimerdia.
Ta un momento historico pa motibo cu for di aña 1988 ta trahando pa yega na un ley pa
reglamenta cuido y guia di mucha.

For di hopi aña tin preocupacion den nos comunidad p’e calidad di cuido y guia di mucha
chikito. Nos muchanan tin derecho pa lanta y wordo educa den un ambiente sigur, tanto
na cas como pafo di cas.

Awor cu e ley ta aproba Gobierno por garantisa cu tur centro di cuido y guia di mucha na
Aruba ta ofrece un calidad minimo cu ta responsabel y ta garantisa proteccion di e
muchanan.
Gobierno lo stipula un fecha cu e ley ta drenta na vigor. Ta premira cu esaki lo bira
entrante juli 2018 p’asina por traha riba tur e preparacionnan y informa tur e centronan
existente di tur e exigencia y proceduranan.

Na luna di augustus lo tin encuentronan pa tur doño di centronan di cuido y guia di
mucha caminda lo informa nan di e contenido di e ley y e procesonan cu ta cuminsa cana
awor.