Page 7 - AHATA_Neat

Diabierna, 13 November 2020 AWEMainta 9

Alex Nieuwmeyer, Managing Director Divi Resort:

“No tin un solucion ainda, pero tin un

dialogo y esey ta hopi importante”

E veterano hotelero Alex Nieuwmeyer tabata
un di e participantenan den e di dos parti di e
sesion di brainstorm ‘Turismo den Perspectiva’.

Bayendo directo n’e punto y cu tur sinceridad el
a pinta un scenario den cual 2021 lo ta un aña
dificil, pero cu e esnan den e industria turistico

no ta perde speransa. E evento organisa pa Par-
tido di Pueblo Aruba (AVP) ta tumando lugar
semanalmente pa cubri tur aspecto di nos pais.

Ademas di Nieuwmeyer, tambe tabata presente
sindicato FTA y varios union di taxista.

“Di algun manera nos tin cu sali di e crisis aki,”
asina e gerente di hotelnan Divi na Aruba a bisa
indicando cu, diferente na otro añanan, tin hopi

incertidumbre a base di tur e factornan cu ta
guia henter e crisis aki di Covid. Su punto prin-

cipal ta cu e industria hotelero ta pasando den
malo.
“Nos tin confiansa den futuro, pero nos tin cu

prepara nos mes pa un aña henter di perdida
den 2021.” Pesey mes e ta boga pa traha hunto
p’asina minimalisa e eefcto lo mas posibel.

E delegacion organisado consistiendo di lider di
AVP mr Mike Eman, Jennifer Arends-Reyes, mr.
Gerlien Croes, mr. drs. Richard Arends y drs.

Gervais ‘Rene’ Herde a scucha atentamente, ha-
ciendo preguntanan tambe n’e hotelero p’asina

formula posibel solucionnan cu for di sector pu-
blico; sea den oposicion of no, por contribui na
un mihor reconstruccion di turismo, nos econo-

mia y nos mercado laboral.
Ora a puntra Alex Nieuwmeyer kico e ta bay

cune for di e encuentro, el a indica cu esey ta
cu, por lo menos tin un dialogo, y esey ta hopi
importante. “Nos tur tin cu traha hunto y man-

tene Aruba safe. Nos mester mantene Covid lo
mas posibel bou control y ta un destinacion safe.
Aruba mester ta diferente di otro destinacion,

manera Republica Dominicana, cu si a kita tur
rekisito, laga tur hende drenta y wak pa nan
mes.

“Nos no t’asina. Nos ta prefera di presenta un
destinacion cu ta safe, caminda e turista por ta

safe y nan ta dispuesto pa paga un poco mas
p’esey. Mi ta kere esey ta importante y mi ta
kere tur hende ta di acuerdo cu esey.”