Page 11 - AWEMAINTA
P. 11
Diamars, 7 Januari 2020 AWEMainta 11
Aruba Excellence Foundation ta
entrega regalo di aprecio
ARUBA Excellence Foundation (A.E.F.)
a haci entrega di un regalo di aprecio na
esnan cu a colabora e aña pasa cu e tres
kids camp ‘Turista riba mi isla’. Ta trata di
20 boluntario y tambe e staff di Casa Del
Mar, Matthew’s Beachside Restaurant,
Aruba Aloe, Fundacion Parke Nacional
Arikok, Aruba Ports Authority y The Ritz
Carlton cu a colabora como partner di nos
Kids Camp Turista riba mi isla, tanto na
July y na October 2019.
E meta di e camp ta pa e mucha nan cu
a participa siña mas di Aruba su historia,
cultura, turismo y con pa brinda servicio
excelente cu ‘Zjeito. Tur dia nos tabata
bishita varios establecimento y den un for-
ma interactivo tabata splica e mucha nan
e importancia di conoce nos dushi isla. Na
final di e camp cada mucha a wordo certi-
fica como un mini embahador di Aruba.
A.E.F. ta gradici un y tur cu a yuda y ta
spera di por conta cu nan aporte pa otro
aña durante e kids camp di 2020. Danki
tur persona su aporte y sosten cu e pro-
jecto a resulta exitoso.
Aruba Excellence Foundation a wordo in-
stitui door di Aruba Tourism Authority na
Juni 2018 y ta e fundacion encarga pa en-
tre otro ehecuta e Aruba Certification Pro-
gram (A.C.P.) como tambe e programa di
Happy Information Officers (H.I.O.).
Meta principal di e fundacion ta pa sigi
desaroya y implementa A.C.P. y H.I.O.
como tambe otro programanan special-
mente diseña pa certifica personanan cu
ta traha den sector di servicio y hospitali-
dad p’asina percura cu e nivel di servicio
excelente di Aruba ya bon conoci, por keda
riba un nivel halto.
