Page 64 - MIN VOS

18 AWEMainta Diahuebs, 5 October 2017

Brandon Cheong a logra finalisa na di 7

lugar den 50m schoolslag den Weganan

Suramericano Hubenil Santiago 2017

E tres atletanan Daniel Jacobs, Keeley Maduro y
Brandon Cheong a competi diamars den e Centro
Acuaqtico na Santiago de Chile. P’e atleta Brandon
Cheong tabata su ultimo oportunidad pa conkista
un medaya den e weganan hubenil na Chile.

Daniel Jacobs ta inicia e competencia unda e ta
landa e 200m estilo liber, despues di e conoce un
start slow, Daniel ta forza bon e ultimo 50 meter,
pero asina mes no suficiente pa drenta den e final.
E ta termina na di 9 lugar overall, mientras e prome
ochonan ta clasifica cu un tempo di 1.58.90. Mes-
ter bisa cu Daniel su personal best ta 1.54.95

E landadora Keeley Maduro a landa den e 100m
fly unda e ta marca un tempo di 1.06.29, esaki riba
Keeley su personal best cu ta 1.05.48.
Por utlimo tabata e landado Brandon Cheong
kende a landa su disciplina faborito, unda el a
landa un di 4 mihor tempo den e 50m pecho den
e Weganan Sur Americano Hubenil Santiago 2017
na Chile.
E hoben Cheong a marca un tempo di 30.45 y a
clasifica p’e gran final cu a duna Aruba e posibilidad
pa un otro medaya den e weganan aki.

Den oranan di atardi e landador Brandon Cheong
a inicia e gran final den e 50m pecho den e caryl
6. E atleta no a conoce un bon salida unda e no
por a remata pa yega e otronan.
A lo largo Brandon ta landa pa un di 7 lugar cu
un tempo di 30.70. Mainta Brandon a landa un
mihor tempo unda el a registra e tempo di 30.45.

Mester bisa cu pa Brandon e weganan ta tras di
lomba unda e ta logra yega dos final den e disciplina
di schoolslag cu ta satisfactorio.
Aunke e tabata por mihor e lo mester traha mas
duro manera e mes ta bisa. Pa loke ta Keeley Mad-
uro y Daniel Jacobs ambos lo landa diaranzon unda
Keeley a landa e 50m fly y Daniel y 400m free.