Page 15 - ATA MAY 29

http://www.24ora.com/politica-mainmenu-18/95671-otmar-oduber-diferente-beach-y-lama-na-aruba-
lo-wordo-refresca

Aruba Tourism Authority cu reunionnan exitoso na
Europa
Thursday, 28 May 2015 18:43

Comparti

Recientemente ehecutivonan di Aruba a biaha pa Europa pa reuni cu e ekipo di A.T.A. Europa y
representantenan di diferente hotelnan na Hulanda, como tambe cu representante di diferente
aerolineanan.

Presente pa e reunionnan tawata ehecutivonan di Aruba Tourism Authority den persona di Ronella Tjin
Asjoe-Croes, C.E.O. y Sanju Luidens-Daryanani, C.M.O.

Presente na e reunionnan na Hulanda tawata representantenan di A.T.A. Hulanda y Belgica – Nordic -
Alemania - y Inglatera. Parti di e reunion tambe tawata cu representantenan na Hulanda di e hotelnan
Bucuti & Tara Beach Resort, Renaissance Aruba Resort & Casino, Divi Resorts Aruba, Amsterdam Manor
Beach Resort, Marriott Resorts Aruba, The Mill Resort & Suites, De Palm Tours y Talk of the Town Hotel
and Beach Club.

Enfoke di e reunionnan na Hulanda tawata pa combersa riba e produccion actual como tambe e situacion
economico na Europa y kico por proyecta pa segundo mita di aña y pa 2016. Apesar di e caida di e Euro
compara cu e Dollar por mira crecemento leve for di cierto paisnan. Topico principal di e reunion tawata
tambe planes pa Europa pa 2016.

E aña aki A.T.A. a enfoca grandemente den reposiciona Aruba na Hulanda y a intensiva e enfoke riba
atraccion di e bishitante afluente. Esaki ta duna su frutonan, mirando cu segun varios indicacion di
hotelnan e calidad di bishitantenan Europeo pa Aruba ta aumentando.

Sinembargo, mester tene na cuenta cu e devaluacion di e Euro ta keda un menasa pa cu e turismo
Europeo durante temporada di winter 2015/2016. Tambe mester keda tene na cuenta cu ta importante pa
tin un mezcla di perfil di bishitante for di Europa, teniendo na cuenta entre otro diferente tipo di
acomodacion cu ta ofrece den e mercado.

Ademas di e reunionnan, A.T.A. tawata anfitrion di un ‘cocktail reception’ na unda socionan den turismo
pero tambe prensa di ‘trade’ Hulandes specialisa den turismo tawata presente pa asina captura ultimo
informacionnan di Aruba.

Durante di e viaje na Europa, un delegacion a biaha pa Inglatera, na unda a reuni cu gerencia di British
Airways. Actualmente e aerolinea aki ta expandiendo nan vuelonan pa Caribe y a reuni cu ehecutivonan
pa asina informa di desaroyonan na Aruba y pa asina mantene Aruba ‘top of mind’ como un posibel