Page 32 - WEB
P. 32
Apache Corporation a bin descubri dilanti costa di Surinam, den lama profundo, un
reserva significante di petroleo. E compania a haci e anuncio oficial aki diamars.
Publicacionnan ta menciona cu for di dialuna caba tabata circula informacion cu Apache
a descubri petroli comercial den e pos di Maka Cantral-1, Bloki 58.
Representantenan di e petrolero estatal y Gobierno dialuna a keda hopi superficial riba
pregunta di periodistanan riba e tema aki.
“Nos ta hopi contento cu resultadonan di Maka Central-1. E pos den Blok 58 a demostra
di tin algo y ta confirma nos modelo geologico cu petroli y “condensaat” den zonanan no
dje profundo ey y petroli den zonanan mas profundo. Formacionnan temporal y
evaluacion di datonan ta duna un potencial pa fuentenan petrolero productivo. Datonan
tridimensional ta mustra riba un fuente substancial di reserva,” CEO y Presidente di
Apache John J. Christmann, a informa.
Apache a informa tambe cu den e partinan no profundo di e pos tin un kolom petrolero y
di gas di cincuenta meter y den e partinan mas profundo di e “boorput” tin kolom di mas
o menos 73 meter.
E trabounan na e posnan a wordo haci door di e barco di perforacion Noble Sam Croft cu
Apache como operador 50 / 50 (Total).
https://24ora.com/surnam-a-descubri-petroli-y-gas-dilanti-su-costa/
