Page 53 - AHATA

nan a pensa pa traha un hotel luhoso pa atrae turismo y na 1959 e prome hotel
di piso, Aruba Caribbean Hotel a wordo oficialmente inaugura. Aki a inicia un
era nobo pa cu e economia pa Aruba.

Pa nos bay bek un poco den historia: prome cu e segundo guera mundial, LAGO
su refineria tawata Aruba su pilar economico principal. Despues di e guera y cu
automatizacion, LAGO a dicidi di bini cu un reduccion di su empleadonan
causando un desempleo masal pa Aruba.

Asina, entre otro, e dos pionero/politiconan Oscar Henriquez y Juancho
Irausquin, a busca un manera di engrandece e fundeshi economico pa Aruba.
Nan a pensa cu Aruba su beachnan blanco, un clima agradabel y su hendenan
amical y hospitalario, lo por haci’e un destinacion perfecto pa turismo. Na e
momento ey, nos isla tawatin dos hotel, cual tawata Coral Strand Hotel
(actualmente Talk of The Town) traha na 1943 y Basi Ruti Hotel na 1954, unda
actualmente ta Playa Linda Beach Resort.

E tempo ey, cu e construccion y despues e apertura di Aruba Caribbean Hotel,
of manera e ta wordo yama den nos comunidad e -Gran Dama-, e economia y
infrastructura general di Aruba a cuminsa expande.

Awendia turismo pa Aruba ta conta cu un average di 1.8 miyon turista pa nos
destinacion di cual 42.3% di e bishitantenan ‘stay-over’ ta kedando den un di
nos highrise hotels, di cual Hilton Aruba Caribbean Resort & Casino ta un di nan,
contando cu un total di 357 camber.

Riba e potret por mira entrega di e obsekio for di Aruba Tourism Authority CEO
Ronella Tjin Asjoe-Croes hunto cu CMO Sanju Luidens-Daryanani na Vasco
Baselli – Gerente General di Hilton Aruba Caribbean Resort & Casino.

Pabien Hilton Aruba Caribbean Resort & Casino cu nan dedicacion continuo na
nos desaroyo turistico di parti Aruba Tourism Authority y comunidad di Aruba!

https://masnoticia.com/aruba-tourism-autority-a-presenta-obsekio-na-hilton-aruba-caribbean-resort-
casino/