Page 80 - AHATA

Ta e negoshinan mas chikito di Aruba, propiedad di Arubianonan cu a inverti na nan
pais y a uza placa di nan ganashi pa fortifica e economia di nan pais, ta e base
comercial cu Aruba tabata tin na su momentonan mas dificil.

Sin ningun planificacion a introduci leynan cu no a introduci restriccion pa proteha
negoshi Arubano. E ley cu sigur a afecta casnan comercial di Arubianonan, a wordo
tuma ora e pais a drenta su etapa como pais autonomo den Reino.

Aruba como pais democratico, conoce e sistema di mercado habri y di libertad
comercial.

Si leynan ta wordo introduci na tur nivel pa proteha interesnan, e ley cu a kibra e

interes y bienestar di e negoshi chikito y mediano di Aruba, no a tene na consideracion
e cantidad di cliente cu Aruba por tin como pais chikito.

Companianan di cadenanan internacional a pone un fin na e competencia sano cu

tabata tin na Aruba entre negoshinan Arubano.

E competencia sano tabata fortifica calidad y prijs pa e pueblo, cu tabata tin beneficio
directo na forma di empleo sigura y e laso di trabou tipico di comunidadnan mas chikito

caminda e relacion di trabou ta diferencia for di e companianan na paisnan y ciudadnan
grandi.

Cu introduccion di compania gigante, cu sin control di calidad, ta competi cu e negoshi

Arubano cu benta di producto of servicio cu ta wordo duna na turista, a introduci
menasa pa e companianan chikito y mediano.

E menasa aki ta afecta trahado y tambe e comunidad cu den tur circunstancia, tin e

sosten fuera di un relacion comercial cu e comerciantenan chikito Arubano, cu awor ta
victima di invasion di negoshinan gigante.

Mester introduci un moratorio den cual ta regula e cantidad maximo di e negoshinan cu

ta bende tur tipo di articulo y ta competi cu un cantidad cu gran variacion di negoshi
local.