Page 35 - ATA OCT 23, 2015
P. 35
Cruise Touris Authority contento cu Cruise Symposium
Aruba 2015
Publication: Friday, 23 October 2015. Categoria: General
ORANJESTAD(AAN): Diahuebs a cuminsa e di dos Cruise Symposium Aruba 2015. Mario
Arends, kende ta cruise manager na oficina di turismo, a comenta cu e Cruise Symposium Aruba,
e aña aki ta su di dos edicion. Su storia no ta mucho largo.
Aña pasa tabata su prome biaha cu el a worde organiza y en realidad e obhetivo di e evento aki ta
pa di un banda informa tur esnan envolvi den e industria di crucero. Alavez tambe comparti tur
loke como oficina di turismo, pero hunto cu socionan ta haci pa promove Aruba como destino di
turismo crucero.
Di un otro banda tambe duna un oportunidad pa esnan cu ta envolvi den e industria aki por
comparti nan sugerencia, idea, comentarionan, cual esaki ta neem mee. Ta tum’e y ta uza e
informacion valioso den preparacion y den esfuerso y actividadnan pa promove Aruba.
En realidad esey ta e obhetivo y e ta algo cu ta wak hopi positivo riba dje pa por comparti cu
partnernan tur informacion cu tin al respecto e industria di crucero.
Arends ta sigui splica cu aña pasa nan tabata tin e prome edicion y tabata tin comentario cual nan
a uza como planeamento di coordinacion, di e parti di feedback cu ta duna e socionan, tanto aki
na Aruba como den e industria di crucero mes. Por mehora cada biaha e experiencia di e
turistanan cu ta bin cu barco crucero. Esey tabata e obhetivo principal ta a mehora e experiencia
di e turismo di crucero. Si logra esey, cada biaha keda mehor’e, sigur ta cumbini nos tur, tanto na
oficina di turismo, isla Aruba, e Tour Operatornan, actividadnan, tur hende. Esey ta e meta
principal cu ATA tin den su actividadnan. E comentarionan cu a haya aña pasa, sigur tabata
importante pa nan por haya sa delaster un detaye cu ta come y bebe riba veld riba nivel
operacional cu e industria aki tin na Aruba.
