Page 52 - tmp_Neat

Relashoná ku rekonstrukshon di Sint Maarten pa motibu di e konsekuensianan devastador di òrkan
Irma, hopi mucha ku ta kai bou di enseñansa obligatorio no por bai skol na nan isla ainda. Un
kantidat di e muchanan aki a haña akohida na Kòrsou i ta risibí enseñansa einan.

E muchanan ku ta kai bou di enseñansa obligatorio i ku a haña akohida serka nan famia na Boneiru,
mester bai skol na Boneiru. Tan pronto ku un mucha ku ta kai bou di enseñansa obligatorio ta
permanesé na Boneiru, e Lei di Enseñansa Obligatorio BES ta na vigor.

Pa por risibí enseñansa na Boneiru, mester sigui e siguiente proseduranan:

 E mayornan òf esunnan ku ta kuida e mucha(nan) mester mèldu nan mes na e ámtenar di
enseñansa obligatorio pa laga registrá e mucha ku ta kai bou di enseñansa obligatorio komo
alumno(a) wespet na un skol.

 Despues ku kompletá e registrashon, e mayornan òf esnan ku ta kuida e mucha(nan) ta risibí
un ‘prueba di alumno(a) wespet’ serka e ámtenar di enseñansa obligatorio.

 Ku e prueba aki por akudí na un skol.

Tin palabrashon ku e skolnan básiko i ku SGB ku un ‘prueba di alumno(a) wespet’ ta nesesario pa
por registrá un alumno(a) na skol. Den kaso ku e mayornan òf esunnan ku ta kuida e muchanan no tin
e prueba aki, lo pidi nan pa pasa serka e ámtenar di enseñansa obligatorio.

Pa mas informashon bo por akudí tambe serka e ámtenarnan di enseñansa obligatorio: sra Jemima

Martis pa skolnan básiko i sr Onnie Emerenciana pa SGB. Informashon di kontakto di e ámtenar di
enseñansa obligatorio ta: Direktorado di Komunidat i Kuido na Kaya Neerlandia 41, number di

telefon 7172211 òf pa medio di imeil leerplicht@gmail.com.