Page 102 - MIN JUS

locual nan ta haciendo, pa dos aña caba, ta haciendo actividad locual ta tur siman, yuda

den loke ta paña, dunanan cuminda. Intencion final ta pa duna speransa. Tin cu corda cu e

hendenan aki a kere algo cu nunca mas nan no lo por sali for di esaki y mayoria di e

hendenan cu ta tras di e proyecto, ta hendenan cu a pasa door di problemanan di adiccion.

Pa experiencia propio sa cu por sali for di esaki. E intencion su tras ta pa duna speransa

na logicamente nan boluntad ta importante cu ora nan tuma un decision, pa bisa cu ta ok,

cu kier cambia. For di eynan, tin e proyecto di Hope, cu ta Cas Speransa Nobo. Hunto cu
Teen Challenge, un programa global, pa casualmente tin un grupo di studiante di Merca,

di 6 persona, pa coopera den e comunidad en general. Tabata tin actividad den loke ta e

fin di siman aki pa bay Rehab Centernan. Nan tin drama, tambe un proyecto di

evangelisacion cu e personanan den problema. A bay KIA tambe diabierna. A bay

actividadnan den areanan di hotel, e mallnan y asina eynan por a trece e mensahe di

speransa. Ta sigui tur siman haci esaki pasobra ta mira cu tin necesidad hopi grandi. Na

final kier haci e proyecto aki pa ta uno cu ta un red den e nacion. Tin hopi bario na Aruba

cu e asunto aki di adiccion, ta un epidemia hopi fuerte. Logicamente comunidad ta mira

su mes confronta esaki y sa con pa deal cun’e. Aki e parti spiritual ta bin aden, caminda

ta mustra cu e Amor di Dios ta esun cu ta cambia hende. Esaki ta haci e programa uno

diferente, pa no solamente tin e area pa traha cu e caracter di e persona cu emocionnan,
pero tambe imparti e area spiritual, cu ta uno hopi importante pa por tin un cambio

efectivo den locual ta e problema di adiccion.