Page 115 - MIN JUS

no tin control riba su funcionamento. Nos por a tuma nota cu desde eleccion
Parlamento di Aruba no ta funciona optimal mas. Basa riba e echo aki, SIMAR ta
di opinion cu no ta responsabel pa trata e ley ya cu ta trata di un ley cu tin peso

financiero y ta di suma importancia pa e posicion huridico di e empleadonan en
cuestion.

SIMAR a haci tur intento posibel pa e ley por a ser trata mas pronto cu ta
posibel. A busca contacto cu presidente di e “stuurgroep” na diferente ocacion

pa informacion di e desaroyonan. Esaki sin exito. Tambe directiva a pidi reunion
cu presidente di Parlamento, Sra. Mervin Wyatt-Ras pa haya informacion di e

motibo pa no trata e ley y pa mustr’e e importancia pa haci esaki mas pronto cu
ta posibel. Esaki sin a ricibi ningun reaccion.
Directiva a tuma nota riba medionan social cu ainda tin hopi maestro cu no ta

na altura di e desaroyonan pa cu e ley y ta tribi di acusa SIMAR di no a percura
pa informa nan. Esunnan prome yama pa duna informacion ta e dunador di

trabou. SIMAR ta sirbi su miembronan cu ta aporta na e sindicato y a tene
varios reunion informativo desde inicio di e trayectoria pa tene nan

debidamente informa. Asta a yega di invita no miembro pa sierto encuentronan,
maske no ta SIMAR su deber. Ta urgi tur esnan concerni pa pone nan mes na

haltura di e desaroyonan aki. Tene bo mes informa ta bo responsabilidad.
SIMAR ta en espera di e formacion di e Parlamento nobo y lo urgi esaki pa trata
e ley mas pronto cu ta posibel.