Page 22 - AWEMAINTA

22 AWEMainta Diahuebs, 29 Juni 2017

Champ of The Champs a inicia dialuna ultimo

Royal Power Tat Fat Home Depot y Balashi Premuim

ta sali victorioso den prome dos weganan

CHAMP of the Champs 2017 den su di 11 edicion dedica na
Bibiano Croes a ranca sali dialuna ultimo riba veld di Dragon Hit-
ters na Barcadera (ex Duracell).
Den e prome dos weganan di dialuna anochi den Pool A, Balashi
Premuim ta derota Spuiters cu a debuta su prome aña den Champ
of The Champs.
Spuiters tabata ariba 6-0, pero no por a wanta e presion di Balashi,
cu a bolter e score ganando 13-6.
Balashi premuim 13 careda, 11 hit, 0 eror. Spuiters 6 careda, 6 hit,
1 eror. Jorge Santana ta resulta pitcher ganador, mientras Angelo
Arnold ta bay cas cu e derota.
Mihor bateadornan pa Balashi ta Filbert Thiel di 3-2, Mark Danies
1-1, Egimar Lampe 2-1, Nathan Berkel di 4-3 incluyendo un home-
run, Deyon Peterson 3-2 y Jeremy Kelly 1-1 cual bataso tabata un
cuadrangular.
Pa Spuiters, Gerson Croes a bay di 2-2, Raison Alvarado di 2-1.

Den di dos wega valido pa Champ of the Champs, Royal Power Tat
Fat Home Depot ta knock out Logros cu score di 12-4.
Royal Power tabata gana 4-3 te den di 4 inning momento cu nan a
rally pa habri e wega. Royal Power Tat Fat 12 careda, 12 hit, 0 eror.
Logros cu tambe ta debuta den Champ of the Champs 4 careda, 6
hit, 4 eror.
Jair Thompson ta gana e partido, mientras Juan Chirino ta bay cas
cu e derota. Mihor bateadornan pa Royal Power Tat Fat ta Guyon
Cannister y Richard Flanegin di 1-1, Giandrick Lacle 3-3, Luis Pelayo
y Kelvin Silvania ambos di 3-2.

Weganan di Champ of the Champs lo continua tur dia te cu diado-
mingo 2 di juli riba veld di Dragon Hitter. Party Band lo ta animando
diasabra y Tsunami lo ta serando diadomingo. Wak pa Bo tey.