Page 32 - AWEMAINTA

32 AWEMainta Diahuebs, 29 Juni 2017

Na Sint Eustatius.....

Colombiano arestá riba

sospecho di asesinato

WILLEMSTAD - E Colombiano di inicial
J.C.S.S., (1978) cu Polis a haña den e cas caminda
tabatin un muher Colombiano morto, a keda arestá
como sospechoso di asesinato di e muher.
Autoridadnan ainda no a revelá identidad di e
muher.
Ayera a presenté dilanti di Huez Comisario na Sint
Eustatius mes.
Manera e corant aki a scirbi ayera hendenan di e
bario a haña e pareha den e cas den area di Con-
cordia y e homber tabata heridá y e muher tabata
morto. E homber aparentemente tabata malamente
fuma.

E homber mientrastanto no ta na hospital mas, pero
ta será den un cèl di Warda di Polis.
Autoridadnan a duna e caso e nomber di ‘Misty’.
E hefe di Cuerpo Policial na Sint Eustatius a con-
firmá cu nan no ta duna identidad di e victima sino
despues cu informá su famianan.
Y mientras cu te ainda habitantenan di e isla Sint
Eustatius no a recuperá di e shòck cu a tuma lugar
cu noticia di e asesinato, ayera autoridadnan a rev-
elá cu nan ta investigando un caso di violacion y
molèster sexual.
Korps Politie Caribisch Nederland ta investigando
e caso den cual a arestá un persona caba.
Ta trata di un Yugoslavo di inicial Z.P. kende a nace
na 1957. E investigacion aki yama “Luna”.