Page 5 - AWEMAINTA

AWEMainta Diahuebs, 29 Juni 2017 5

DEN 2 SIMAN

2 SKOL

A BISHITA

PARLAMENTO

DIAMARS alumnonan di skol Reina
Beatrix a bishita Parlamento hunto cu
nan maestranan. Nan a bin cu pregun-
tanan bon prepara, tocante tareanan di
Parlamento, criminalidad, enseñanza y
skol, parkenan, etc.

Parlamentarionan Velasquez, Arends-
Reyes, Sneek, Dammers, Wever-Croes
y Thijsen tabata presente pa contesta
pregunta y intercambia cu e hobennan.
Presidente di Parlamento, drs. Mervin
Wyatt Ras ta considera di importancia
pa por intercambia cu muchanan y laga
nan experencia kico ta un Parlamento.
Spera cu nan por haya inspiracion pa
mañan por bira politico den futuro.
Un siman anterior Parlamento a ricibi
bishita di klas 6 di Fatima College. E
alumnonan acompaña pa nan maestro-
nan tambe tabata bon prepara y a haci un cantidad
di pregunta tocante diferente topico.

Parlamentarionan tambe a tuma nan tempo pa con-
testa. Presidente di Parlamento, drs. Mervin Wyatt
Ras tin palabra di elogio p’e maestronan p’e hopi
bon preparacion, dor di cual e muchanan pregunta
tabata riba papel caba.

Ex Directora di

Imeldahof a fayece

na Hulanda

FOR di sra. Diet Booi-Staring, nos a recibi e
tristo noticia cu Soeur Birgit van Erp a fayece
na Hulanda.
Soeur Birgit tabata hopi aña largo Directora di
Kinderhuis Imeldahof na Noord. Na aña 1995
el a bay bek Hulanda.
Dia 4 di juli awor, e lo ser hiba pa su ultimo lugar
di Descanso. Na su famia y tambe n’e Orden di
Dominicanessen van Bethanië ta bay nos con-
dolencia.