Page 4 - AAA MRCH 21

Diaranson lo bay tin un baha mas presentacion di APFA pa

empleadonan di AAA

on: March 20, 2016In: LocalNo Comments
Print Email

Gerencia di AAA NV, despues di un presentacion cu nan a haya di nan actuaris, sr. Keesen, a bin un
confusion den e presentacion, caminda cu directiva di STA a laga APFA tambe duna un presentacion na e
empleadonan. Loke a sosode cu despues cu presidente di STA, Diego de Cuba a palabra cu e CEO di AAA,
sr. James Fazio, pa wanta e cos aki te ora cu e bin bek di Europa pa por atende cune, sorpresivamente
AAA a acerca STA pa un reunion cu a dura casi 3 ora y mey pa atende cu un asunto di un memorandum
cu nan kier a saca pa e trahadonan, caminda cu nan ta refuta e presentacion cu APFA a duna nan
empleadonan di AAA NV. Loke cu STA a desconseha. A bisa cu den tur dos presentacion, STA a wak cu
tin cierto cosnan cu ta klop y tin cierto preguntanan ta keda den laira. Ningun di dos partidonan no a
gaña. Den e memo cu nan a saca pa e empleadonan di AAA, nan ta bisa cu locual cu APFA a trece dilanti
no ta cuadra cu berdad. Di e manera aki nan a rebaha e calidad di APFA completamente y esaki sindicato
STA ta condena severamente. STA no ta di acuerdo cu e Memo cu a sali cual ta Memo number 16/009,
fecha dia 15 di Maart 2016. Categoricamente STA ta contra di loke nan a hinca den e memo aki. Loke ta
hinca aden ta pa trek tur hende bay cune pa Guardian y te dia di awe no ta compronde dicon AAA ta
actua asina aki. Nan no kier actua obhetivamente, loke sindicato STA si a bin ta haciendo ultimamente.
Nan a actua cu tur obhetividad pa guia e trahadonan den e miho caminda y no misleidnan manera ta
sosodiendo cu gerencia di AAA NV, caminda cu nan ta misleid e empleadonan innecesariamente.
STA ta pone un ultimo presentacion di APFA pa diaranson awo, dia 23 di Maart y ta pidi tur
empleadonan, vooral esnan cu ta cay bao di Guardian, pa asisti na e presentacion di APFA aki pasobra
STA kier pa tur empleado, vooral esnan cu ta resorta bao di pensioen di Guardian, pa ta presente nan e
reunion aki, pasobra lo bay tene un votacion despues, pa tuma un decision ki rumbo lo coy, si e
trahadonan ta keda cu Guardian, of ta bay over pa APFA, pasobra mirando locual cu a pasa aki, caminda
cu a desconseha AAA NV pa saca e memo aki, pasobra e ta causa mas confusion, ta bisa cu si ta asina
aki, e ora STA lo laga e hendenan vota despues di presentacion di APFA pa tuma un decision ki rumbo lo
coy, si e trahadona aki lo bay resorta bao di APFA of ta keda cu Guardian.
STA ta bringando pa mas cu 10 aña pa bay cu APFA. Awo a duna AAA e fair chance pa duna
presentacionnan di APFA y di Guardian Group obhetivamente, pero a ripara cu gerencia di AAA ta bo
trek pa bay den scochi di Guardian. A bisa cu STA a keda actua obhetivamente, pero mirando e memo cu
nan a saca ultimo, STA ta condena esaki categoricamente pasobra esaki ta demasiado eenzijdig. STA a
bisa cu nan no ta acepta un cos asina aki. No por yama e fondo di pensioen di Aruba, cual ta un fondo d