Page 16 - MIN TTC AUG 08

16 AWEMainta Diabierna, 07 Augustus 2015

UNOCA ta
INVITA bo pa

KORTEWEG

Diabierna, “Local Art Street”
den centro di Oranjestad

E ULTIMO edicion di Kortweg a tuma lugar

den luna di Mei cu apoyo di UNOCA, y tabata
un exito rotundo. Korteweg ta un idea di un
grupo di hoben local cu a colabora hunto
pa crea un “Local Art Street” den centro di
Oranjestad.

Cu Cado “Cadosbla” De Lannoy na cabes e
hobennan aki a crea un plataforma na unda
artistanan local por exhibi y bende nan arte
traha na man, na comunidad di Aruba y su
bishitantenan. E siguiente edicion ta tuma
lugar awer, 7 di augustus y e expectativanan
ta grandi. E biaha aki lo tin mas artista, un set
up varia y sorpresanan pa inspira tur bishitante
cu e arte y pasion di nos artistanan local.

E team di artistanan cu ta participa tin
varios siman ta preparando p’e evento y ta
welcome henter pueblo di Aruba pa disfruta
di e ambiente unico y nos cultura local. En
conexion cu e evento aki UNOCA a lansa e
iniciativa “Local Artist Highlight”, unda ta
duna artistanan desconoci un plataforma
pa nan presenta nan talento, idea, arte of
pasion. E biaha aki a kies Sketch artista local y
illustrador, Jay Henriquez como e Local Artist
Highlight.

Cu ayudo di UNOCA, Jay lo exhibi su trabou
durante Korteweg. Pa mas informacion di e
korteweg y eventonan cultural por bishita
UNOCA ARUBA riba facebook.