Page 57 - MIN SOC

Nathalia Hernandez directora di Imelda Hof durante e conferencia a haye cu algun pregunta riba e
maneho di Imelda Hof. Aki el a splica cu e necesidadnan ta keda grandi. E presupuesto balanza mester
wordo maneha.

E muchanan mester wordo yuda pa drenta bek den comunidad. Tin cosnan importante tambe unda no
kier krimp in den loke ta e necesidadnan di e muchanan. Ta bezig cu un proyecto y kier traha riba e show
di talento. Mester busca hende di afor pa bin duna curso tambe na e muchanan. Tur aña tin fundraising y
tiki tiki ta keda traha riba dje pa caba cu e speeltuin. Ta contento na e comunidad cu ta brinda y duna e
muchanan e oportunidad pa desaroya. Durante e conferencia Nathalia Hernandez a splica cu e
muchanan ta bin cu un bagage hopi pisa. Muchanan ta expresa e comportacion aki a base di e forma cu
nan a wordo trata. Asina na Imelda Hof ta keda yuda e muchanan. Ta keda brinda e muchanan e hogar
cu sentimento cu nan ta bon bini. E confianza mester tey. Semper ta haya keho di scolnan di
comportacion pero semper como Imelda Hof ta brinda e sosten na guiadornan di grupo y docentenan
pasobra nan tambe ta forma parti di e netwerk di e muchanan aki. Ta traha na bienestar di e mucha
segun e directora Nathalia Hernandez. Mester para keto como guia y docente of maestro pa atende cu e
mucha. Mester mira kiko tin tras di un comportacion di un mucha. Mester crece cu e mucha y mira su
parti paden. E mucha tin e necesidad y haciendo e guia ta mira e parti importante cu e mucha mester
haya. A yudo di e professional ta importante… Imelda Hof tin 36 mucha di cual 12 no ta keda drumi pero
ta den maneho diario cerca nan. Despues di scol nan ta bin y ta bai cas. Un 72% di e muchanan cu yega
na Imelda Hof ta victima di abuso sexual. Hopi di nan dor di mesun famia.

http://www.24ora.com/local-mainmenu-5/95323-imelda-hof-ta-contento-cu-comunidad-ta-yuda-y-

duna-oportunidad-pa-e-muchanan-desaroya

http://masnoticia.com/prome-encuentro-di-commissie-gedragscode-instala-door-di-minister-hooyboer-

winklaar/

http://masnoticia.com/parlamento-su-comision-pa-ombudsman-a-keda-oficializa/

No kita e oportunidad di nos hobennan di MAVO, pero duna

nan e chens pa nan demostra nan mes

Publication: Tuesday, 19 May 2015. Categoria: General
Minister Hooyboer-Winklaar
ORANJESTAD (AAN): For di januari 2014 Minister di Enseñansa tabata den deliberacion cu directiva di e fundacion
cu ta maneha Colegio Arubano, esta SMOA, tocante e maneho di admicion pa alumnonan di MAVO.
E deliberacionnan riba e topico aki ta uno largo, intensivo y cu a conoce diferente contratempo. Despues di mas cu
un aña di deliberacion y diferente iniciativa y accion mester indica cu lastimamente ainda SMOA y gobierno no ta
comparti e mesun vision y opinion.
Den ful e proceso aki e punto di salida di e mandatario encarga cu enseñansa semper tabata cu ta kere den e
potencial di nos hobennan y cu tur hoben merece e oportunidad pa sigui studia y demostra nan mes.
E ta e responsabilidad di e alumno pa haci su maximo esfuerso y e ta e responsabilidad di e school, directiva di
school y di gobierno pa facilita e hoben cu tur lo necesario pa por saca lo maximo di su potencial. Cu e punto di
salida aki tambe a sinta na mesa y comunica cu SMOA.
Na varios ocacion durante reunionnan y den corespondencia a mustra SMOA riba su responsabilidad. Hisa norma di
admicion sin inverti den contenido di enseñansa no tin sentido, mirando cu e situacion ta keda mescos y e problema
a djies wordo hala di un banda pa otro. Si bo kier traha na calidad di berdad, mester inverti den e contenido, den e
maestronan y den e guia di alumno. Esey ta e unico manera pa realisa un mehoracion di berdad y cu ta sostenibel.
Minister di Enseñansa a mustra continuamente su disponibilidad y compromiso pa inverti den e guia di alumno,
profesionalisacion di maestro y adaptacionnan curiculair cu ta necesario ambos na MAVO como na HAVO pa asina por
yega na un solucion structural pa e situacion. Mirando cu no ta solamente na Mavo ta constata punto di mehoracion,