Page 18 - DIARIO 6MAY15

PAGINA 18 DIARIO DIARANZON 6 MEI 2015

Women’s Club of Aruba cu evento na
Paseo Herencia

ORANJESTAD (AAN): E siman aki, Aaron Croes (event manager
di Paseo Herencia) a ricibi representantenan di WCA en conecion cu
e Aids candlelight night dia 17 di mei proximo.

E dia aki ta tuma lugar e anochi di concientisacion riba e malesa
aki cu mas y mas ta costando bida di hendenan na mundo.

E MC pa e anochi aki lo ta Addonsito Croes y den presencia
di mandatarionan local y publico, 4 bela di colornan Preto, Cora,
Berde, Blanco cada un cu nan mensahe lo ser cendi.

WCA ta activo ya pa mas cu 79 aña na Aruba y 2 biaha pa aña
nan ta dedica atencion na e epidemia mundial aki. Na nomber di
WCA, Mary-Lou De Windt (Chairman Aids Awarness&Education
Committee) y Milagros Posner (member WCA) ta gradici Paseo
Herencia pa e coperacion pa cu nan evento e aña aki.