Page 34 - DIARIO 6MAY15

PAGINA 34 DIARIO
Pega barco, pifia, comete vupa y erornan
y publica informe robez
Cu bo sa kiboca, ta berdad. Pero den e trabao aki, ora “bo pega un
barco” ta bo deber di rectifica y “los e barco” di e baranca, pa bo
sigui navega.
BERGUENZA
Periodistanan tin un orguyo grandi, pero e orguyo ta sinta tambe na
e medio di comunicacion. Nan ta “pega barco”, comete erornan y
ta nenga di rectifica, pa motibo di orguyo, of nan ta sinti cu ta un ber- para e auto canto di caminda y a pasa algun dia sin auto, te cu obliga-
guenza pa nan . Cuanto eror mi no a comete den noticia ultimo 40 pa
50 aña? Mi ta kere cu mi no ta yega e final di mi conteo si mi cuminza
conta di awor.
E siman cu a pasa tabata e siman di eror. Mi a mira varios corant cu
ta circula riba e islanan aki coregi informenan incorecto, locual sigur
no ta un berguenza. Pero mi tambe a comete eror, tanto den e co-
lumna aki como den noticia.
Siman pasa por ehemplo mi a skirbi tocante e señora cu a cumpli
100 aña di edad. Den e articulo ey tabata tin un eror cu “pa mi ta gi-
gantesco”. Peor ainda cu ta trata di un eror cu “net ami” no mester
a comete. Pero hende sa confundi.
Mi a menciona por ehemplo di mama di Sra. Lorna Jansen - Varlack
y skirbi d.f.m. locual sigur no ta berdad. Mama di Sra. Lorna Jansen
- Varlack ta na bida ainda, y probablemente ta un di e personanan
di mas aña riba nos isla.
Mi ta kere cu mi lo a confundi pensando riba mas centenario di e peri-
odo ey y pensa riba otro cu no ta bisiña leu tampoco di Sra. Lorna. E
señora centenario ey si a fayece y mi lo por a confundi esey cu mama
di Sra. Lorna Jansen-Varlack.
Lagami pidi mi disculpa na GRANDI mes na su kerida mama y su
Sra. Lorna, familia pa “e barco pega” aki.
ESUN CU SA MIHOR
Awor, esaki no ta e unico eror di e indole aki. Den transcurso di añan-
an, mi a mira na television, scucha emisoranan y lesa corantnan cu
“a mata hende” den e noticia y ta net esnan cu nan a “mata” ta sinta
wak television, scucha radio of lesa e noticia na e momento ey. Algun
luna pasa, un radio no a anuncia cu Mighty Sparrow, rey di calypso
a fayece, y cuminza toca cancionnan exitoso di Sparrow, pa despues
mester a anuncia cu ta noticia robez nan a pasa ?
Aki na DIARIO hopi aña pasa un situacion a presenta caminda un
persona conoci den comunidad a fayece. Un redactor a persisti cu e
lo skirbi tocante e persona aki pasobra “ tur diadomingo e ta na su
cas pa BBQ y ta masha bon amigo”. Nos tres cu tabata sa mihor,
a keda keto, laba man y cana bay.
El a persisti pa haya un foto di e persona y nos a dune un foto cu
tres persona riba dje. Un di e personanan tabata esun cu a muri. Su
dia siguiente el a publica su articulo cu foto di e difunto. El a separa
e tres personanan di riba e foto y a publica........ net un di nan cu
NO TABATA e persona cu a muri. El a a publica noticia tocante e
difunto pero cu foto di persona robez. Despues el a bin reclama cu
nos mester a bis’e cua ta cua.
“Pero no ta abo mes a keda gaba na grandi cu ta bo bon amigo
y tur siman bo ta na su cas cu BBQ ?”
TUR TA REINA
E siman cu a pasa tambe tabata tin eror cu masha poco hende lo a
cay ariba, pasobra masha poco reclamo a bin aden tocante e eror.
Nos sa cu Su Majestad Reina Maxima a los tiro pa duna inicio na e
competencianan di SailAruba 2015. Si a ripara bon, riba fontpage
di diasabra ta wordo menciona cu ta Reina Beatrix a los e prome
tiro.
No ta nos so !! Un corant di Corsow tambe a pifia aki cu e mes
informe, informando cu Reina Juliana a los e tiro di inicio di e com-
petencianan.
Esakinan ta erornan cu ta wordo cometi tur dia den medionan di co-
municacion, pero loke si no tin tur dia di nan, ta cu nan ta bini cu un
rectificacion of disculpa. Tin tanto cos cu ta pasa den bo cabez ora
bo ta redactando, of cosnan cu ta kita bo concentracion, cu bo ta
bira “pifia”, “pega barco”, comete “un vupa” sin cu bo sa. Ora bo
repasa loke bo a skirbi, bo ta ‘sina den locual bo a skirbi, sin ripara
e eror cu bo a comete. Su mañan bo ta dal man na cabez: “Con mi
por a haci un cos asina?”
El a pasa ! Loke a pasa a pasa! Sigui dilanti y mehora bo mes y per-
cura cu e lo no pasa mas. Bo no por drecha mas. Solamente si tin e
DIARANZON 6 MEI 2015
oportunidad ainda di un “rectificacion”. Si e oportunidad aki no tey,
wak bo dilanti y sigui e sombra cu ta bo dilanti.
CERA DEN AUTO
E otro “vupa” ta locual mi a experiencia usando auto cu su alarma di
seguridad, sirena di proteccion, “di maha cabez di hende”.
Mi wacharaca a stop di bebe su gasoline diripiente. M’a hayami ta
toriamente mi mester a huur un. M’a hayami cu algo cu nunca antes
m’a hayami cune, y esey ta cu alarma instala den e auto.
Mi a bay supermercado pasobra fin di siman mi no por a haci e com-
pranan. M’a yega, cera porta mi tras y drenta haci mi compras. Ora
m’a caba, m’a bolbe, habri porta, cay sinta .............. ata! Tin algo cu
no ta bon..
E auto tabata yora manera alma malo. Despues el a cambia pa si-
rena di fumait of di ambulance. Mas despues el a cambia pa sirena
di auto di polis.. Atami ta primi tur boton cu tin riba “e cos” hunto cu
e yabi. Un candal cera, un candal habri, un dibuho cu parce speaker
daña, debi na e strepi den dje, y un dibuho cu parce “Z” di Zorro.
M’a primi un y un sonido a paga. Pero e otro sonido a cuminza y m’a
primi otro. Esey a paga y otro sonido a cuminza.. Asina mi tabata
primi, los, los, primi, primi los........ y nada di start auto, ni stop sirena
ni alarmanan.
OHHHH HENDE MUHER
Un dama a sali di otro auto y bin acerca. El a trata pero tabata parce
como si fuera e aparato a pega. Un otro dama a sali for di otro auto y
a acerca nos. El a tuma e aparato cu yabi di mi, primi algo y tur sonido
a para. E di cu mi pa drenta start e auto. Wowwww !!!!! E auto a start
y mi por a sali bay trankil.
Danki Dios cu Papa Dios a corda di crea hende muher. Sin nan,
unda nos como homber lo ta awe? Mi ta sigur cu despues e da-
manan lo a hari mi bai goal. “E pachi bieu, cangreu, soketon” lo a
resona na hopi lugar cu nan lo a bishita durante dia y hari barica yen.
Mi a keda gradecido si, pasobra “hende homber mester di hende
muher pa guia nan bida”.
Na cas mi a siña e les manera mester ta. Mi a conta mi yiu kico a
pasa y e di cu mi: “tur ora bo bay pa drenta auto, primi prome riba
e candal habri”. For di e momento ey, tur caminda cu mi a bay, mi a
corda riba e candal habri y no tabata tin problema mas.
TIN CANGREU BIEU
E problema di e tipo aki mi a pasa aden mas di 35 aña pasa. Mi a
pasa un ora cera den auto pa e “cangreu” cu mi tabata.
Mi a yega warda di polis bieu (esun historico panort di De Veer
Theater, na skina nort, pabao di Bestuurskantoor y oficinanan di
Imigracion). Mi mester a bay pa noticia di polis di tur mainta 10 or.
Ora mi a yega, mi a paga motor di mi Volkswagen Jalopi , cera mi
glasnan, pero no por a habri porta. Mi no por a usa yabi pasobra mi
ta habri auto cu yabi si mi tabata pafo. Si mi ta den auto, mi no por usa
mi yabi pa habri porta. Asina mi a keda pega den auto. Un ora largo
mi a soda, di baina por a hala rosea, y e calor tabata inmenso. Ningun
hende a pasa den mi cercania pa mi por a hala nan atencion.
Por fin a yega un colega cu a parkeer su auto banda di esun di mi.
Ora el a sali, m’ a keda bati na bentana, te cu m’ a logra hala su aten-
cion. El a para na bentana y a puntra: “Kico a pasa!”.
Mi contesta tabata: “Mi ta cera un ora den auto y no por sali. M’
a cera mi mes den auto!!” El a cana rib’ abao na harimento, y
despues cu m’ a bati bentana pa loco atrobe el a bin para na ben-
tana y a bisami: “Kita bo man di riba e rand di bentana y hisa e
boton”.
Mi a haci esey y el a grita: “habri bo porta awor y sali. Ki b’a kere,
cu ta den panaderia bo ta traha?”
M’ a puntre kico e kiermeen y el a responde: “ bo ta mas soda cu
panadero cu ta traha dilanti forno cayente oranan largo”.
Berdad ta cu m’ a drenta warda di polis yen di berguenza di ta tur
muhe, tanto camisa como carson, y mi ta supone cu hasta mi mea lo
tabata landa den sodo cu lo a yena mi sapato.
Riba e isla aki, ta un persona so por ta asina sokete di cera su mes
den auto un ora largo y a confundi te cu e no por a funciona normal
mas, mentalmente. Esey ta...............................
Juby Naar