Page 41 - DIARIO 6MAY15

DIARANZON 6 MEI 2015 DIARIO PAGINA 41

Lorito Leal

Cas di
gobernador?

Den corant nos tur por a mira Gobernador di Aruba
sinta den sala di Cas di gobernador combersando cu
Rey Willem Alexander y Reina Maxima di Hulanda.
E pregunta cu nos mester haci awor ta kico exacta-
mente ta kico tocante e destino di Cas di Gobernador.
Pasobra algun luna pasa a sali un informacion den
prensa cu e cas di Gobernador no tin dormitorio y cu
Gobernador di Aruba lo no bai biba den e cas men-
ciona.
E auto di Gobernador si ta keda den e garashi di e cas
pero gobernador di Aruba lo biba den su propio cas;
tin lugar pa e auto pero no pa e gobernador di nos pais.
Pakico e edificio lo worde usa? Mi pluma nan ta lanta
pensando cu probablemente e oficina di C.A.F.T. lo
worde estableci den e “Cas di Gobernador” loke ta un
bofta den cara di tur arubiano.
E Hulandesnan aparentemente nunca ta cansa di hun-
ga cu sentimento di pueblo di Aruba ya cu nan ta hen-
denan mas “zakelijk” y cynismo ta nan deporte nacio-
nal banda di futbol. Por ehempel e palabra kaft ta algo
cu no ta sirbi y ta worde benta afor y mi ta spera cu
esaki lo ta e caso tambe cu CAFT cu a haya participa-
cion di gobierno di Aruba pero ta mantene su posicion
pa coregi gobierno den asuntonan financiero.
Dios sa kico e ta haci y por ta cu e organo aki lo ta na
bienestar general di nos pais y pesey mi ta yama un
bon bini na CAFT pasobra cu tur bon intencion cu e
gobierno aki por tin, mester frena e deuda nacional di
nos pais. Una ves cu nos a accepta CAFT mi ta kere
cu Gobierno Hulandes mester “kom over de brug” cu
e schuldsanering cu tur e islanan Antiyano a haya.
Schuldsanering como un forma di herstelbetaling pa
nos pasado colonial ta un formula ideal pa continua cu
“e relacionnan renoba den Reino Hulandes” cu Prome
Minister di Aruba ta promoviendo. Durante di e Cum-
bre de las Americas nos Prome Ministro a desplega
un papel impresionante y hasta a tuma e liderasgo di
e campanja pa Hulanda haya un asiento den Conseho
di Seguridad di Nacionnan Uni den nos region.
Tumando tur cos den consideracion Aruba awe mas
cu nunca merece schuldsanering di su deudanan mes-
cos cu tur otro isla a haya. MI kier mustra ariba e acu-
erdo firma na e e ultimo Conferencia di Mesa Rondo
caminda Aruba a rechasa CFT a cambio di schuld-
sanering. Awor cu CFT ta drenta foi porta di cushina
bou di un otro nomber gobierno Hulandes debe nos e
schuldsanering cu nan a ofrece durante e ultimo Con-
ferencia di Mesa Rondo.
Por ultimo mi ta haya cu e pueblo merece contesta
ariba e pregunta; Kico ta e destino di Cas di Gober-
nador.

DITFAeaRlxeIOf5o85n28n-82a5-n657d14i 7