Page 15 - KPA
P. 15
Chauffeur burachi, a causa boksmento na
Paradera
November 23, 2017 0 129 Views
Paradera – Diaranson anochi den careda di 7:45 polis di trafico a bay rotonde di Paradera pa un
boksmento.
Na yegada agentenan a constata cu un dama tawata sinti dolor y a pidi ambulance.
E boksmento a sosode momento cu e auto Kia cu un chauffeur bou influencia ta dal tras di un Chevrolet
Spark.
Na e sitio, agentenan di trafico mes ora a wak cu e chauffeur ta bebi a bay over pa detene mes ora.
Fastioso tawata cu e momento ey un biaha mas aki na Aruba, no tawata tin un ambulance disponibel. E
pick up di ambulance cu un paramedico a presenta na e sitio pa wak e señora di edad. Despues di basta
warda un ambulance a presenta y a transporta e señora pa hospitaal.
Transportwagen a hiba e chauffeur burachi warda di polis.
Ciclista iresponsabel deteni den area di hotzone
November 23, 2017 0 180 Views
Palm Beach – Diaranson anochi den careda di 9:30 polis a bay area di Hotzone, pa algun ciclista cu core
sin luz y no ta mantene su mes na regla di trafico.
Polisnan a bay pa hala su atencion, pero e mucha homber aki lo a bira fresco cu e agentenan. Parse te
hasta lo a resisti su detencion.
Na final toch ela wordo deteni y su bicicleta tambe a bay den transportwagen cune.
