Page 20 - KPA 24 OCT 2015

PAGINA 32 DIARIO
Bo tin cu PARA; bo tin cu CONTESTA; Bo ta bay cune...
Anto CLA!!
Ayera mi a haya masha hopi yamada di hende cu a bay di
acuerdo cu e comentario, pero tambe esnan cu a reclama riba
e parti encuanto comportacion di cierto polisnan.
Mi a haya esnan cu tabata di acuerdo y otronan cu no tabata di
acuerdo…
Masha hopi yamada kico? Ta algun yamada mi a haya y
tocante otro cosnan y den e conversacion, nan a mishi cu e
topico di ayera riba comportacion di chauffeurnan.
No keremi nada di, cu mi a ricibi CANTIDAD di yamada
tocante e columna di ayera. Riba caya unda cu mi por ta, mi ta
haya comentario y hopi mas cu mi ta haya di yamadanan.
Mi a menciona tocante e manera cu mi a mira un persona
actua na momento di control di polis y cu manera di actua di e
chauffeur, no tabata na mi agrado.
Tin comportacion hopi agresivo di hopi hende contra polis,
principalmente anochi y den madruga. Lesa e noticianan di
polis di tur dia y lo nota esaki.
Bo ta ripara un aumento di agresion contra polis, locual no
tabata tin ayera y cu a para bira algo di awe pa sigui mañan si
no bin un paro den esaki..
Bo ta ripara e aumento di abuso verbal, resistencia
y resistencia fisico, y insulto. Tur esaki apesar di un
acercamento profesional y decente.
Riba strip di hotelnan, na bar restaurantnan, na momento
di detencionnan den casonan di maltrato familiar of
buracheria of drogadiccion familiar, bo ta haya esaki masha
hopi. Aki mi no a menciona mes carnaval y eventonan publico
grandi.
E aña aki durante carnaval mes mi a ripara riba Boulevard
con dos agente policial tabata papia cu e hendenan canto di
caminda y continuamente masha decente polis tabata bisa
e hendenan pa “por favor”, para mas patras, para tras di
baricada, etc.
Mas di 10 biaha e polisnan a pidi pa hala patras, pero manera
polisnan bira lomba ya e hendenan a hala bin dilanti, mustrando Practicamente bo no ta tende di polis cu por a bruha
un falta di respet total pa autoridad.
E cos aki no ta pasa cu carnaval so, pero na cantidad di
ocasion.
E no ta pasa na man di criminalnan cu ta recidivista y keto bay
ta bay cera, e ta pasa te hasta cu ciudadanonan comun y
coriente.
Polis a para un conoci di mi poco dia pasa y el a laga sa: “e
polisnan ey ta cansa hende!”. Mi a bis’e cu e polisnan a
par’e pa controla su documentonan y si nan ta na ordo.
Mi a sigui puntra: “bo tambe no ta pensa semper den ordo
y disciplina? Ta con e ta haya sa si bo papelnan ta na ordo
si e no para bo pa controla? Ademas, mi a tende e polis
yamabo “bon dia!”.
E cos aki, e violencia verbal, a bira peor riba nos isla ultimo otro manera.
4 pa 5 aña cu a institucionaliza esaki den papedera di politica
cu critica y insultonan riba accionnan di polis, na momento di
protestanan, cu tinte politico.
Esaki a causa un brutalidad excesivo den comunicacion entre
hende. Hopi hende a tuma e buelta aki anto ta kere cu aunke
DIASABRA 24 OCTOBER 2015
kico bo bisa, e no tin cunez.
E cos aki ta straño pasobra Hulanda mes cu ta masha liberal,
apenas un aña pasa a condena un ciudadano pasobra el a
papia bruto cu polis. Mi ta kere cu si e ta den ley na Hulanda, e
mester ta den ley aki tambe.
E cos aki mester wordo acompaña di informacion pa hende
compronde cu no unicamente cu “polis no ta tuma!”.
Polis no tin nada di tuma!!! Polis ta parabo y den tur e
experiencianan cu ami tin, y esey no ta hopi, pero loke bo ta
tende di hopi hende tambe, ta cu regularidad polis ta bisabo
“bon dia”, “bon tardi” of un “bon nochi”.
Esey no ta necesario, pero e decencia cu nan a siña na nan
cas o como sea, ta pone cu den hopi caso, nan ta haci’e. E
cos importante ta cu polis tin cu parabo pa atende cu bo loke
sea cu e tin di atende.
Por tin di haber cu trafico; por tin di haber cu documentacion;
por tin di haber cu un cos cu bo ta trahando riba dje; por tin di
haber cu un actitud particular cu bo tin na e momento ey; por tin
di haber cu loke sea.
Ora polis parabo, bo tin cu PARA y ora polis puntrabo, bo tin
cu CONTESTA.... Anto CLA!!
Bo no tin nada ta trece cuenta di reclama y sigur no cuminza cu
insulto verbal y den algun caso te hasta como si fuera ta Dios
sa ken a parabo.
Polis ta representacion di autoridad hudicial di tur pais. Si un
pais ta respeta su mes, su ciudadanonan ta compronde e cos
ey. Anto ora polis bisabo PARA! Bo tin cu PARA.
Si e hacibo pregunta, bo tin cu CONTESTA. Si bo no contesta,
e consecuencianan TA PA BO.
Pero polis no tin nada di tuma na man di ningun hende ora
ta trata ofensa, violencia verbal y mi no ta menciona mes
violencia fisico. Ta cos cu ta pasa. Por ehemplo ora di resisti
aresto. Mester buta forza traha. Ta abo a resisti aresto.
momentaneamente cu ta un excepcion. Ora polis a bin pa
detenebo y bo a resisti, e ta usa violencia.
Y no bin bisa cu bo “tabata pacifico manera lamchi cu ta kita
tur pica di mundo”.
Si bo actua di acuerdo cu e reglanan basico di decencia y
bo corda special e reglanan di autoridad di un pais, ora polis
bisabo PARA, bo ta PARA. Ora e atende cu bo y bisabo bay
cune, bo ta bay cune KETO.... CLA!!.
Bo tin tur manera di busca bo derecho tur caminda. Pero bo
no tin derecho di ofende un funcionario hudicial cu ta
cumpliendo cu su trabao.
Si acaso resulta cu e tabata excesivo y actua robez, e ta haya
su castigo y e lo por haya hasta su retiro. Pero mientras tanto ,
si el a atende normal cu bo, bo ta atende normal bek y ningun
Ki dia nos ta stop di pensa y papia den termino di “bruha e
lugar aki, mas tanto cu e ta bruha caba ?”
Juby Naar