Page 37 - MIN SOC 25 JUNI 2015
P. 37
AWEMainta Diahuebs, 25 Juni 2015 21
Violinista di Merca
Andrea Hughes,
e prome ganador
di e “Clyde Harms
Scholarship”
DURANTE e Nuevo Mundo Festival y Academy
(NMFA) 2015 tabatin un competencia entre e
studiantenan di direccion di orkesta y di tur
instrument.
E ganador a resulta Andrea Hughes, violinista
Americano di Utah, mientras cu Renato Moscott,
cellista Venezolano di Caracas, a logra di dos lugar.
Cu su victoria Andrea ta bira e prome ganador di
e “Clyde Harms Scholarship” cu NMFA a crea na
honor di un Arubiano cu a yuda nan establece na
Aruba y kende ta un fanatico di NMFA cuminsando
na 2005 tempo cu nan tabatin nan conciertonan na
Maracaibo.
Andrea Hughes apenas tin 24 aña, pero e tin un
trayectoria impresionante. El a logra su Bachelors
Diploma studiando cu prof. Paul Kantor y Ivan Zenaty
na Cleveland Institute of Music (CIM).
Andrea Hughes a duna concierto cu CIM Orchestra,
cu Woods Cross Orchestra y cu Utah Symphony. El a
colabora tambe cu Ohio Valley Symphony y Suzuki
Youth Orchestra of the Americas.
El a yega di tuma masterclasses cu e maestronan
renombra Charles Castleman, Joseph Silverstein y
Barbara Gorzynska.
Na 2006, tempo cu e tabatin apenas 15 aña, Andrea
Hughes a gana e prome premio di e UMTA Pre-
Collegiate Instrumental Competition y di Utah State
Fair Competition. El a bolbe gana e premio ultimo
aki na 2007.
Dos aña pasa el a ricibi e Dr. Jerome Gross Award di
CIM como e studiante di violin cu a demostra mas
mehoransa durante e aña.
