Page 15 - KPA 6 FEB 2016
P. 15
6 AWEMainta Diasabra, 06 Februari 2016
Dos hoben cu
HINCANAN
SERIO durante
Parada di Luz
UN PROBLEMA serio entre gruponan a resulta den
dos victima cu hincanan. Polis a haya informacion
cu tin personanan herida canando banda di Carnival
Village durante Parada di Luz.
Tabata hobennan cu hinca y paña tur na sanger segun
e informacion ricibi. Na prome instante no por a haya
nada. Tabata papia di un pelea tambe.
Despues di un rato a topa cu e situacion rond di e area
di Lago Weg cu St. Maartenstraat.
Polis a pidi ambulance y personal di Cruz Cora a
presenta apidamente.
Tabata dos victima hoben sinta canto di cura di Valero
riba vloer wardando asistencia. Nan tabatin hincanan
den barica.
Nan a wordo atendi eynan mes na prome instante y
despues un di nan a wordo carga pa Cruz Cora den e
ruta pa e ambulance mas cerca. Ambos mester a wordo
atendi, pero un di nan mester a wordo hiba stret pa
hospital mirando e seriedad di e hinca.
Testigonan di e desgracia ta confirma cu un tal A.T.
ta esun responsabel p’e acto criminal aki. Tur ta
muchanan di pariba cu tin problema cu otro.
