Page 12 - AWEMAINTA

12 AWEMainta Diabierna, 11 Augustus 2017

Robin-Ann Didder di Partido POR, E Forsa Nobo:

Edificio di Materdei Huishoud School na San

Nicolas por tabata un opcion pa un scol nobo

TIN un dicho ta bisa “regeren is vooruit gaan” Gobierno a bin y gobierno a
bay. Den e situacion cu Aruba ta actualmente cuanto streya Aruba lo haya? Na
San Nicolas unda antes tabata Materdei Huishoud School tin un basket veld
cu a keda drecha dor di e Gobierno actual den tempo di campaña. Robin-Ann
Didder, number 14 riba lista di partido POR, ta aplaudi e parti di e basket veld
debi cu e muchanan por haci algo sano rond di e scol.

Sinembargo, ta di lamenta cu e Gobierno actual no por a tuma nota di e edi-
ficio di un scol cu a keda bandona pa añanan largo dor di diferente Gobierno.
Segun Robin-Ann Didder e edificio aki por a keda re-construi na un bon scol
pa e muchanan di San Nicolas por a haci uzo di dje, pero tambe na esnan cu
no tin cupo na Playa cu por bin studia na San Nicolas tambe.

Edificio pa scol ta un prioridad na e momentonan aki y mirando esaki no ta
kere cu e Gobierno actual ta mira adelanta. Loke cu mas ta di lamenta cu cerca
di e scol tin henter un bario cu diferente mucha y hoben ta biba den dje, en bes
cu e hobennan aki ta lanta mainta y mira un edificio bunita di un scol, p’asina
nan haya animo pa sigui studia, nan ta lanta mainta mira un ruina den nan
bario, esaki ta di lamenta.

Robin-Ann Didder di partido POR ta kere cu e prioridad pa educacion y pa hisa
e nivel di enseñansa no t’ey den e Gobierno actual. P’esey mes partido POR
a pone den su plan di gobernacion Vision 17-21 cu e ser hende ta central y
enseñansa ta importante pa tur nos muchanan, hobennan y adultonan cu kier
sigui studia pa logra un miho trabao.