Page 36 - MIN SOC DEC 18,2015

10 AWEMainta Diabierna, 18 December 2015

Tur cos ta cla pa un fin di siman di
Pasco y nos Festival di Dande

E TIRAMENTO di lot pa Festival di Dande 2015 a

bay masha ameno y e weekend aki lo tin un ambiente
di Pasco den paraiso riba Plaza Turismo.
Diabierna 18 di december lo tin den un ambiente di
Pasco cu cuminda, cos dushi, artesania di Pasco y mas
riba Plaza Turismo. Animacion cu musica di gaita lo ta
den man di Paranda Ta Nos, Arugaldo, Grupo Fortaleza,
Grupo Melodia y Los Paranderos.

Diasabra 19 di december lo tin mas ambiente di fin di
aña cu animacion di musica di gaita di Sparkle cu Briyo,
Los Paranderos y Maruba. Ambos dia cu bar y cushina
bon surti.

Pa Diadomingo 20 di december venidero nos ta haya
e Festival di Dande 2015 cu un total di 15 agrupacion
tipico; Tipico Savaneta, Tipico Lus di Luna, Tipico
Sabroso, Tipico Un Famia, Paranda ta Nos, Zonido di
Antaño 1, Tipico Alegre Noord, Zonido di Antaño 2,
Robert y su Alma Folklorico, Tipico Ainda Falta, La
Bomba, Tipico Alegre Kadushi Largo, Tipico del Campo,
Inspiracion Folklorico, y Buleria. Un total di 36 cantante
di Dande lo tin y Aruba lo bay conoce su ganador di
Festival di Dande 2015. Pa Composicion Tipico lo tin un
total di 10 cancion tipico. Nan ta den ritmo di Aguinaldo,
Danza, Tumba, Wals, y Tambu.

Presidente di Fundacion di Festival di Dande, Sr.
Harry Croes, Departamento di Cultura di Aruba, bou
auspicio di Ministerio di Cultura y Comision CCDN ta
invita henter e pueblo di Aruba pa bin disfruta den un
ambiente di Pasco y celebra e di 40 aña di Festival di
Dande hunto cu famia y amigonan. Arubianonan, ban
conoce e finalistanan y ganador masculino of feminino
di nos Dande.