Page 39 - MIN ECEM

12 AWEMainta Diahuebs, 21 September 2017

Gobierno a firma MB nobo na beneficio di taxista y chofernan di autobus DIAMARS mainta Ministernan Eman y de Meza a anula
MB anterior cu tabata crea e MB firma pa e Minister anterior di Transporte y a
firma un MB nobo cu tin un miho base legal pa taxista y
duda pa loke ta traspaso di chofer di autobus. Eman a splica cu prome cu a yega na e
decision aki a reuni cu organisacionnan cu ta representa

vergunning a keda elimina transporte publico na Aruba. Entra nan esnan di taxista,
autobus y Arubus.
Un topico cu semper a bin dilanti como preocupacion y
deseo ta pa mehora transporte publico. Tambe pa sigura
e posicion legal di esnan cu tin un vergunning di taxi of
di autobus y nan pesonan financiero. Eman a bisa, “Tur
hende cu tin un eenmanszaak sigur den caso di taxi y
autobus, ta hay’e confronta cu cierto retonan.”

Prome Minister Eman a splica cu hunto cu su colega nan
a scucha tur e deseonan di e gruponan aki y algun punto
tabata urgente cu mester a wordo atendi cu urgencia.
Un di nan ta e MB cu e Minister anterior a firma den
cual e ta tuma e decision pa hala aden e derecho adkeri
historicamente di traspaso di vergunning ora un taxista
fayece cu un miembro di su famia por haya e vergunning
pa core e taxi. No solamente ora un hende fayece, pero
tambe ora un taxista yega cierto edad y kier traspasa e
vergunning pa un yiu por ehempel cu esaki tabata posibel
dor di e derecho adkeri den transcurso di añanan.
“E MB firma dor di e Minister anterior a trece hopi duda
den e derechonan adkeri aki.
Tabatin hopi preocupacion bou di taxistanan pa e cambio
den e MB. Ya cu e tabata limita e derechonan adkeri y ta
hala mas poder na e Minister cu e ta dicidi kico ta pasa
cu e vergunning. Esaki kier men cu no automaticamente
e vergunning tabata wordo pasa na un familiar manera
tabata semper e custumber”, Eman a bisa. E taxistanan
kier a mira un cambio den esaki.

Minister de Meza a dicidi cu e lo honra e peticion di e
taxistanan y el a firma diamars mainta e MB nobo y ta
hala aden esun anterior unda e Minister anterior a trece
duda cerca taxistanan. E MB nobo ta sigura continuidad
tambe di locual nan a construi pa hopi aña.
Segun Eman, “P’esey mes cu nos a tuma e decision pa
haci taxistanan y esnan cu ta core autobus doñonan di
nan vergunning pa esaki haya un base legal mas fuerte.”
Awor tur hende tin e siguransa cu si un dia nan kier
traspasa e vergunning cu nan tin mas di diez aña pa un
familiar of otro persona, esaki ta posibel. E siguransa ey
ta bin den e ley (MB) nobo tambe.

Un otro punto importante cu a bin dilanti durante e
reunionnan ta e calculacion cu taxistanan tin cu haci
ora di cobra BBO.
“E ta mas un ‘rompslomp’ administrativo cu ta varia
hopi y ta pone un peso administrativo desproporcional
compara cu e entrada cu Gobierno ta haya di esaki”,
Eman a bisa.
“Nos a consulta den Conseho di Minister y despues di
diferente consulta a yega na e conclusion cu ta importante
pa elimina esaki di transporte publico p’asina no tin e
rompslomp aki. Un tiki alivio financiero, pero sigur un
alivio grandi di e parti administrativo cu esaki ta causa”,
Eman a termina bisando.