Page 52 - KPA MARCH 22,2016

Cuerpo Policial 213 permiso a wordo otorga pa

campamento durante Semana Santa

on: March 21, 2016In: LocalNo Comments
Print Email
Esaki ta un temporada caminda cu pueblo di Aruba ta encanta y Cuerpo Policial ta cla un biaha mas pa e
temporada te cu dia 3 di April. Manera cu sa, dia 20 di Maart a cuminsa campa y tin’e te cu dia 3 di April.
Segun Liliana Rasmijn, vocero suplente di Cuerpo Policial, esnan cu ta campando mester percura pa nan
tin nan permiso visibel. Ki ora cu ta polis por controla y asina nan por haya e permiso pega caba un
caminda. Tin biaha ta pensa cu esun cu tin permiso ta cana cun’e tur caminda. Pero no mester ta asina. E
permiso mester ta visibel.
Si bisa cu tanto articulo tin riba tereno di campamento, lage pa e ta asina pasobra esey tambe lo wordo
controla. Normalmente un persona ta bin cu 5 tent, pero diripente ta bin 2 tent mas. Ta cosnan cu polis
ta keda controla riba dje. E aña aki, manera cu por wak, e diferencia cu aña pasa, loke ta e permiso, tin
dos mas. E total permiso duna e aña aki pa campamento na Aruba ta 213. Compara cu aña pasa, tabata
tin 212.
Loke ta e total personanan cu lo bay campa e aña aki ta mas of menos 4048. Toch, mirando e diferencia
cu aña pasa, el a baha, pasobra aña pasa tabata tin 4242. E cantidad di permiso a subi, pero e cantidad
di persona a baha.
E areanan a keda mesun cos, solamente tin cu bisa cu e parti hopi bon ta cu aña tras aña di Cuerpo
Policial, ta bira mas moderno, no tin bringamento pa luga mas manera antes. Tempran ta reuni cu esnan
cu a pidi permiso pa campa, na unda cu ta asigna e luganan di tempran, cu por ehempel diadomingo cu
a cuminsa campa, ya tur hende tabata sa na unda nan por campa.
E parti organisatorio a bira mas miho. Cada districto ta sinta cu nan hendenan, bisa nan tur e
rekisitonan, recorda nan un biaha mas y ora dia yega mes pa cama, ya tur hende ta cla caba, si a bin algo
extra.
Semper ta wak loke ta e parti di Playa, por compronde y San Nicolas, si por ehempel un persona a mis
calcula cu tin hende eynan cu por a paga extra. Tin biaha ta calcula, pero tin biaha nan ta bin cu mas cos
cu nan a pensa.
Comportacion di nos hendenan
Tabata tin un fin di siman tras di lomba hopi druk, hopi accidente, na unda cu un biaha mas controlnan
ta bay keda. Polis ta pidi automobilistanan un biaha mas, si ta core auto, por fabor no bebe, pasobra
esey ta parti cu ta keda remarcabel, cu ta coremento di auto bao di influencia y velocidad halto.
Rasmijn a indica cu esaki ta un temporada cu ta campamento, tur cos ta dushi, pero no mester lubida e
esencia pakico nan ta yam’e Semana Santa. Ban respeta otro. Comportacion ta importante pa polis. No
ta kita ningun hende di pasa dushi banda di lama. Eey t algo di nos e ta. Por fabor tra un bista pa e
chikitonan. Eseynan ta hopi importante. Percura tambe pa nan tin sunblock y suficiente coy bebe.
Percura pa tin hende grandi cu por landa semper banda di nan. Esey ta esencial y wak pa tin caha di
prome auxilio si cualkier cos pasa, ya por atende e persona cu algo a pas’e.