Page 16 - MIN ON 3 JULY 2017
P. 16
di Universiteit van Aruba ta preparando pa su stage na Bureau di Gevolmachtigd Minister pa Aruba na
Washington, DC y su stageopdracht ta cla p’e tambe caba. Na augustus proximo lo yam’e bonbini na
Washington, DC. Profesionalisacion di nos studiantenan di Aruba Ta for di basta anja caba cu Bureau
Gevolmachtigd Minister pa Aruba na Washington, DC, a bin ta acomoda studiantenan Arubiano for di
universidadnan of hogescholen di Hulanda. Ta diferente studiantenan Arubiano, studiando na Hulanda a
core nan stage exitosamente na Washington, DC. Sr. Lee ta hopi contento y sumamente satisfecho cu
porfin por ricibi tambe, desde e anja aki, studiantenan Arubiano di Universiteit van Aruba y for di regio
pa core nan stage na Embahada di Reino na Washington, DC. Alavez ta spera di por conta ariba
studiantenan di Aruba na Hulanda pa sigui aplica pa core stage na Washington, DC. Desde awor tur
Embahadadan y Consuladonan General di Reino den Westerse Hemisfeer ta habri pa tur nos
studiantenan na Aruba como tambe nos studiantenan den regio pa haci nan stage na e organizaciónnan
aki. E stage regeling nobo awor ta ofrece na un grupo mas grandi di nos yiunan di tera pa por hanja
experiencia internacional na posten di Reino den Westerse Hemisfeer. Pa mas informacion encuanto
stage na Bureau Gevolmachtigd Minister di Aruba na Embahada di Reino na Washington, DC por tuma
contacto cu e bureau aki via WAS-GMA@minbuza.nl.
