Page 5 - HOH

Empleadonan di interieur certifica pa traha den
Operatiekamer

Sunday, 01 February 2015 17:05
Comparti

E siman aki Dr. Horacio E. Oduber Hospitaal a celebra certificacion di 17 empleado cu a completa e curso
specialisa ”Basis opleiding Schoonmaak en module Gezondheidszorg & Vakopleiding schoonmaken
Operatieafdelingen” ofreci pa e compania yama “SVS”, un compania Hulandes prominente den e ramo di
limpiesa y higiena.
E cursistanan a traha pa un siman largo tur dia for di ora cu Operatiekamer (OK) cera pa 3:00pm te cu
oranan laat di anochi pa siña “hands on” den camber di operacion delaster un detaye necesario. E
facilitado, esta sra. Ineke Mejerink a expresa elogio na e cursistanan, pa nan esfuerso, colegialidad,
entusiasmo y perseverancia. El a expresa aprecio pa nan “teamwork”, con uno tabata traduci pa e otro y
traha hunto, pa asina tur por a gradua cu puntonan hopi halto y riba un nivel hopi halto. Sra. Ineke
Mejerink a remarca cu e ta hopi orguyoso di su grupo di cursista di Aruba y cu e kier felicita nan pa e
gran logro. Charlaine Alexander-Huntington, gerente di e departamento di Comunicacion y Informacion
di Hospital a splica cu ta organisa e curso aki den cuadro di e meerjarenbeleidsplan “Hunto Miho” di
hospital. E plannan aki ta encera entre otro eleva nivel di calidad di cuido,di cual e curso aki duna na e
“interieurverzorgers”. Empleadonan di e departamento di higiena tambe a completa e curso intensivo,
cual tabata consisti di dos parti, esta un “Basis opleiding Schoonmaak en module Gezondheidszorg &
Vakopleiding schoonmaken Operatieafdelingen”. Traha den e departamento di limpiesa di un hospital ta
algo completamente diferente cu traha den cualkier otro organisacion. Hospitalnan ta rekeri e grado di
mas halto di higiena y limpiesa pa preveni infeccion y limpiesa den un Camber di Operacion ta un nivel
ainda mas halto. E sala di operacion tin dos porta, e ta hopi cera y tin protocolnan intensivo pa traha
eyden y strategianan specifico cu ta rekeri hopi atencion ora di haci un camber di operacion limpi. E
certificacion cu e empleadonan aki a ricibi ta pone nan riba un nivel di excelencia y nan esfuerso y logro
ta sigur di elogia, segun Charlaine Alexander-Huntington. El a subraya e importancia di e certificacion pa
cu e interes di pashent, pa eleva e cuido y servicio ofreci pa Hospital ainda mas. John Fun,
Clustermanager Facilitair Bedrijf, a dirigi su mes tambe na e graduadonan y a gradici e facilitador pa
ofrece e curso na Aruba. El a añadi cu Technische Dienst di Hospital tambe lo ricibi un curso special pa
traha den cambernan di operacion pasobra tur e parti di mantencion ta nan ta ocupa nan mes cune y tur
hende mester ta bon na altura di kico por y no por den un ambiente asina.