Page 4 - Hospitaal

AWEMainta Diabierna, 13 November 2015 3

Rene Herde’

“Riba regla y
procedura tin sentido
di humanidad”

FRACCION di AVP a keda sumamente disgusta p’e noticia di

ayera cu un anciano a bay hospital riba indicacion di un dokter
di cas.
Na hospital nan lo a haya cu e no mester wordo atendi na hospital
y a laga hiba e anciano bek su cas den ambulance. E anciano lo a
wordo poni dilanti di su cas, ya cu no tabatin mas hende na cas e
ora ey.

Relaciona cu esaki fraccion di AVP a informa cu lo haci pregunta na
hospital via Minister di Salubridad pa haya sa kico a sosode.
AVP kier sa den detaye pakico e anciano no a haya tratamento na hospital
y kico e procedura ta pa haci cu un paciente cu no mester keda hospital.
E hecho cu e anciano a wordo hiba su cas sin informa su famia y cu
lo a laga e anciano dilanti di su cas, den e condicion malo cu
e lo mester tabata, sin cu tabatin hende pa wak pe, ta in-
comprendibel pa miembronan di e fraccion di AVP.

Den e conferencia di prensa Rene Herde’ a bisa
e.o. lo siguiente: “Nos ta compronde cu tin
regla y procedura pa atende cu pacientenan cu
yega hospital. Esey ta parti di un organisacion
profesional. Nos ta compronde cu hospital
mester tene su mes na palabracionnan haci
cu AZV.
Pero prome cu y riba tur regla y procedura,
tin nos sentido di humanidad!
Nos ta spera cu semper, den tur situacion
ta trata tur paciente cu un sentido hu-
mano y sigura semper su bienestar fisico
y emocional.
No por ta cu ta manda pacientenan
bek, sin guia y sin sa con e lo wordo
atendi pafo di hospital. Nos ta warda
e informacion completo di loke a
sosode, pa nos wak con - hunto cu
Minister y hospital - por preveni ripi-
ticion den future,” asina Rene Herde
a finalisa.