Page 31 - LOTTO

14 AWEMainta Diaranson, 30 Augustus 2017

Curso riba tereno di Sport

Leadership Program 2017

RECIENTEMENTE un grupo di persona trahando den e
mundo deportivo Arubano a cuminsa cu un curso yama Sport
Leadership Program (cyclo) presenta pa Lotto pa Deporte,
Pricewaterhouse Coopers, Nyenrode Business University &
Dr. Bob Heere di South Caroline University hunto cu nan
stakeholdersnan.

E proyecto aki ta pas den e vision integral di Ministro di
Deporte, dr. Alex Schwengle.

E obhetivo den cual a organisa e cursonan ta pa eleva e
talento y liderazgo di e participantenan y provee tips y her-
mentnan practico. Tambe provee un plataforma pa lidernan
bin hunto pa dialoga y intercambia nan experiencianan sin
lubida pa reforsa e relacionnan y e network di lidernan den
e asociadonan di deporte.
E cursonan ta consisti den diferente seccion reparti den e
asina yama modulonan. E cursitanan lo haya amplia nan
conocimento y experiencia riba temanan manera Situational
Leadership, Challenging Leadership, The Psychological Di-
mension of Leadership y e Authentic Leadership. Lo clausura
e modulonan cu e “Sport Leadership: How To Build a Sport
Community” ofreci pa e experto Hulandes, dr. Bob Heere
y un Masterclass di Pricewaterhouse Coopers riba tereno di
leadership.

Segun Presidente di St. Fundacion Lotto pa Deporte sr. Di
Stefano Wernet RA; “Bou iniciativa di Lotto conhuntamente
cu Pricewaterhouse Coopers den cooperacion cu Universidad
di Nyenrode, Hulanda y professor Bob Heere di Universidad
di South Carolina pa inicia cu un proyecto riba tereno di
“leadership”, cual ta hopi importante. Nos no kier inverti
solamente den atleta, coach y material, pero mester inverti
tambe den nos gerencianan, directiva di e federacionnan de-
portivo y organisacionnan cu tin di haber cu deporte pasobra
esey t’e fundeshi. Bo mester tin un bon liderasgo pabo tin un
bista cla y un direccion fiho unda bo por saca bon probecho
di dje di bo recurso nan disponibel.

Mester bisa cu ya caba e cursistanan a haya varios modulo,
mientras cu e proyecto su modulo specifico pa deporte lo
wordo duna pa profesor dr. Bob Heere, kende lo yuda pa
crea un vision riba deporte y uno riba comunidad deportivo
pa Aruba.
“Lotto hunto cu nos Ministro di Deporte, dr. Alex Schwengle
ta inverti den formacion y educacion di nos lidernan deport-
ivo cual ta hopi importante”, sr. Wernet a conclui bisando.