Page 7 - MIn TTC Website Jan 19

Un bes mas por mira cu bandanan musical a toca hopi duro durante e parada di blaas di mucha
pa cual hopi reaccion di mayornan tabata duro dimas. A aserca Quota Club pa haya sa mas
ku ta bay duna atencion pa e proximo paradanan. Den e caso aki sr. Ivy Simon a splica mas di e
situacion cu nan a constata tambe.
Manera tabata e caso pa e ultimo 27 añanan, Qouta Club tabata presente pa concientisa e importancia di oido di e
hende grandi pero principalmente di nos muchanan.
Y manera tur aña ta e caso Qouta Club tabata presenta ya caba for di prome parade di blaas diadomingo na San
Nicolaas.
Sra. Simon a sigui bisa cu e demanda pa earplugs tabata basta grandi caminda un cantidad di mas di 700 earplugs a
keda bendi.
Un parade hopi anima pero e biaha aki atrobe por a constata cu e zonido tabata basta duro. E zonido demasaido duro
ta keda un problema y esaki ta di parti di e bandanan mester por bay yega mas serca pa concientisa nan tambe.
Qouta Club for di aña pasa a sinta na mesa cu gobierno y Dienst Gezondheidzorg pa por a analisa e parti aki di
zonido duro pa purba evita esaki. E aña aki di nobo por a tuma nota cu e situacion a keda mescos. Segun sra. Simon
mester bini hopi mas control di e instancianan concerni.
Ainda falta diferente parada y e preocupacion ta keda. Qouta tin pensa di bolbe bati na porta di Gobierno y instancia
concerni pasobra e meta ta pa preveni y cuida e oido. Qouta lo keda papia y keda concientisa tur hende pa cuida nan
oido.
Tambe sra, Simon kier a hasi un suplica na tur e bandanan, cu enberdad musica ta dushi pero nos oido ta number
uno. E zonido duro no ta afecta e persona cu ta partisipa den e diferente paradanan so pero e ta afecta e musico
tambe.
Expone bo mes na zonido duro por tin consecuencia di perdida di oido pa resto di bo bida.

http://www.24ora.com/politica-mainmenu-18/90786-parlamentario-sr-jeffrey-kelly-comision-di-
deporte-y-cultura-a-reuni-cu-asu