Page 5 - AWEM JUNE 15
P. 5
AWEMainta Dialuna, 15 Juni 2015 5
Diabierne laat atardi DIABIERNE, despues di merdia, Cuerpo Policial a ser
Desconocirnan a benta notifica cu desconocirnan a tira diferente obheto skerpi
diferente obheto skerpi (e asina yama “crow’s foot” mira foto adhunto) riba e
riba caminda publico caminda dilanti di Occidental Hotel, cu ta hiba na Setar
Palm Beach, Mc Donald’s, etc.
Di acuerdo cu Lito Lacle, vocero di Polis a bisa: “Nos no
sa kico t’e intencion pa haci esaki pero, mirando cu esaki
tabata e modus operandus den pasado relaciona cu un
atraco serio. Mesora a pone henter e personal di Districto
di Noord, y otro departamentonan policial, riba alerta
maximo y a cuminsa cu investigacion”.
Tambe a avisa tur doño di negoshi den e area pa nan ta
riba alerta pa cualkier movecion straño.
N’e momentonan aki no por duna mas informacion, ya
cu ta haciendo e investigacionnan necesario pa segura
trankilidad y seguridad den e area.
Di acuerdo cu Lito Lacle asina cu tin mas informacion e
lo pone pueblo na altura.
Cuerpo Policial kier haci un yamado na cualkier persona
cu por sa algo relaciona cu e caso aki of cu a mira algo
straño, pa por fabor mesora yama Central di Polis na
100 of duna informacion anonimo via tiplijn: 11141.
Destrucion
na Subway
Paradera
PRESENCIA di Polis a wordo pidi diabierna 04.52, na
Subway Paradera, unda desconocirnan a kibra un vitrina
di e negoshi. Polis a constata esey a papia cu e persona
encarga cu yabi, kende a bisa cu 04.30, e compania
Safecom a yame y a pone na haltura.
El a bisa cu e alarma a activa mas o menos 04.08 y ta bisa
cu e motion sensors no a activa, dor di esey a constata cu
supuestamente e ladronnan no a drenta paden.
Segun M. no ta prome biaha cu ladronnan a comete
destruccion n’e lugar. Un testigo a bisa Polis cu pa 04.00,
el a tende glas kibra.
Ora cu el a mira pafo, el a mira un mucha homber core
bay y a drenta den un Toyota Tercel blanco. Den e Toyota
tabatin 4 of 5 hoben mas y nan a core bay direccion
pariba.
M. no kier investigacion, pero lo yama un compania
mainta pa bin drecha e vitrina. Polis a tuma e keho.
