Page 31 - ATA SEPT 21

Parlamentario Jennifer Arends-Reyes No por compara
cifranan di Turismo cu no ta oficial ni completo

on: Monday, September 21, 2015In: PoliticaNo Comments
Print Email

Segun Jennifer Arends-Reyes por a tuma nota cu na varios ocasion miembro di oposicion Sr.
Oduber ta publicando cifra cu no a ni sali oficial di instancianan concerni y cu no ta e cifranan
completo tampoco. Ta di lamenta cu ta trece un bista eroneo y negativo riba nos pilar economico
principal cu ta Turismo. Locual tin di cifra oficial ‘released’ di e instancianan ta di luna di Juli pa
motibo cu pa Augustus dia cu Sr. Oduber di MEP a publica cifra ainda tabata falta algun dato pa
procesa. Den luna di Juli YTD ( year to date) Aruba a conoce un aumento substancial di stop-
overs of turista cu ta yega Aruba, un aumento di 15.8% di 585,823 turista pa 678,404 den e
prome shete lunanan di 2015. Compara cu otro islanan di Caribe cu a conoce un aumento entre 5
pa 10%, ta nifica cu mas turista ta scoge Aruba. Pa compara luna cu esun di e aña anterior ta bon
pero mester wak’e cu un bista mas amplio. Turismo ta dinamico y ta varia di luna pa luna y por
wordo influencia pa varios factor manera evento, mal tempo of cualkier otro factor. Un punto
tambe cu Parlamentario Oduber tabata preocupa ta e percentahe di ocupacion di camber di hotel
cu a baha un luna cu algun porcentahe. AHATA a pronostica cu nan averahe di ocupacion di
camber durante 2015 ta keda entre 76-78% y hasta ta conoce un aumento di 4% compara cu
2014. Tambe e ADR (Average Daily Room rate) lo conoce un aumento entre 5-10% den 2015
hunto cu e REVPAR den e mesun trend tambe. AAA ( Aruba Airport Authority) tambe a
anuncia cu lo tin 13% mas asiento disponibel pa Summer 2015 (Juli 1 2015- October 31 2015)
compara cu e mesun prome shete lunanan di 2014. Turismo crucero ta pronostica cu lo por tin un
disminuicion di 5-10% compara cu e aña anterior pero asina mes ta un sector cu ta trahando
sumamente duro ariba dj’e pa aña 2016 tin un mihor aña pa e turismo crucero. Cu ampliacion di
e terminal por spera barconan mas grandi tambe pa Aruba. Awor dia cu tin mal tempo Aruba por
perde 4000 pasahero den un solo biaha por ehempel y ta factornan cu por pasa. Pa compara cu un
bista mas amplio riba Turismo nos por uza e factor di tourism receipts dus locual cu e turistanan
ta contribui na nos economia tambe pa midi con ta bayendo y e Tourism receipts ta creciendo
cada aña kiermen sigur e factornan ta balansa otro y locual ta e contribucion di Turismo na nos
economia ta keda substancial.