Page 11 - AweMainta 06-Feb-2015

AWEMainta Diabierna, 6 Februari 2015 11

Minister Angel Bermudez a admiti cu debe
nacional di Aruba ta

4.000.000.000 florin

80% di GDP

DEN Parlamento, Minister di Finanza, mr. Angel Bermudez a

duna informacion tocante e situacion financiero precario di pais
Aruba, y splica con grandi e mega debe ta n’e momento aki. E
Minister a parti documento cu ta mustra cu e debe nacional di
Aruba n’e momento aki ta 4.000.000.000 florin, cual ta representa
80% di GDP, segun lider di MEP, Evelyn Wever-Croes. E suma aki
ta uno exorbitante, y ta dificil pa pensa cu un Gobierno su so, den
apenas 5 aña, por a causa un pais asina tanto daño y asina tanto
debe.
Pa por baha e debe aki, y pone bek n’e nivelnan cu Aruba a conoce
bou di Gobiernonan di MEP, lo tarda 20 aña segun e expertonan
di CFT a calcula.
Den campaña electoral na 2013 nos a trata na alerta nos pueblo
p’e Mega Debe aki. Mike Eman y su partido a nenga cu e debe
tabata asina halto, es mas, nan tabata kier pa tur hende kere cu
cos ta bon na Aruba.
Awe nos a mira con el›a redobla e debe di nos pais, y hiba na
nivelnan peligroso, poniendo Aruba na borde di bancarota. Y
ainda e mes no ta realisa e peliger cu e ta hinca henter e pueblo
aden, pasobra e ta sigi cu su fuesta y e ta sigi hipoteca nos pais”.
Evelyn Wever-Croes a sigui splica: “Ami ta masha preocupa
p’esaki. Ademas, mi ta indigna, pasobra Mike Eman y su gabinete
a hipoteca no solamente nos generacion, pero tambe di nos
yiunan y nan yiunan, sin cu e tabatin autorisacion pa haci esey.
Awe nos ta mira con enseñansa ta deteriorando, y mayornan
mester bay paga mas pa nan yiunan por haya un educacion.
Tur esaki t’e consecuencia di e Mega Debe cu Mike Eman a hinca
nos pais aden», lider di MEP a termina bisando, despues di e
reunion den Parlamento.