Page 5 - AweMainta 06-Feb-2015
P. 5
AWEMainta Diabierna, 6 Februari 2015 5
“99.9 PORCIENTO Wendell Bennett, Managing inversionistanan local.
di nos forsa laboral Director di fabrica di Balashi, Den e caso aki tabata un
ta ARUBIANO” tabata presente pa ricibi Prome bishita n’e fabrica di Balashi,
Minister Mike Eman diahuebs cu ta emplea un cantidad
mainta pa un recorido den e grandi di Arubiano y ta inverti
fabrica. continuamente pa mehora
E ta un tradicion di e nan produccion. Tambe a
mandatario pa riba diahuebs inverti den instala panelnan
sea realisa bishita den solar, promoviendo energia
bario of bishita negoshi di alternativa manera t’e vision di
Gabinete Mike Eman I y II.
Gerencia di Balashi a keda
contento cu bishita di e
mandatario y a constata cu
el a keda impresiona cu e
produccion y e calidad halto
pa sigura bon productonan.
Ademas di cerbes Balashi,
ta produci diferente tipo di
refresco, Malta Balashi y awa
y ta distribui un serie di biña
y otro productonan, tanto
alcoholico como no-alcoholico.
Cu masha orguyo Wendell
Bennett a comenta cu 99.9%
di e forsa laboral di Balashi ta
consisti di Arubiano.
E fabrica ta bay cumpli 16 aña
di existencia y tin un grupo
grandi cu tin 10 pa 15 aña den
servicio. Ademas, tin e grupo
cu a bin for di e compania
Tropical cu tin entre 30 pa 40
aña di servicio den e ramo aki.
“Personanan cu nos emplea,
nos ta yuda nan y mustra nan
te unda nan por yega. Di cada
10 contrata, 9 ta keda cu e
compania y kier forma nan
carera cu nos.” Awe, despues
di un aña, gerencia di fabrica
Balashi ta hopi contento di
a sigui e vision poni pa pais
Aruba pa traha riba e caminda
di sostenibilidad. Mas o menos
un aña pasa a caba di instala
rond di 40 panel solar, cu ta e
maximo, riba e dak di e fabrica.
Na final di februari/inicio di
maart a pone e panelnan den
funcion y “nos ta hopi contento
pasobra el a baha nos consumo
di coriente basta, entre 7 pa 8
porciento.
Nos ta contento cu e inversion
haci y ta urgi otro companianan
pa tuma e mesun paso aki y
contribui mas na un mihor
medio ambiente.” E 400
panelnan instala ta produci
100 kw.
Den e recorido Prome Minister
Eman a wordo compaña pa:
Ingmar Ramharakh- Quality
Safety and Environmental
Coordinator; Wendell
Bennett- Managing Director;
Kenneth Bikker- Financial
Director; Nicole Martina-
Sales Manager; Klaus
Eckert- Technical Director y
Patrick Melchiors-Marketing
Coordinator.
