Page 30 - AWEMAINTA
P. 30
30 AWEMainta Diaranson, 18 October 2017
Moda, Beyesa y algo mas
Bo lo tribi di bisti algun di e modanan mas
atrevi presenta n’e Fashion Weeks rond mundo?
Balenciaga y su “Crocs”.
10 centimeter di plataforma den e sapatonan cu nos tur
conoce pa nan comodidad y su falta di estetica,
El a diseña esakinan den colornan hopi yamativo manera roos
of geel, cu diferente motibo riba nan y cu plataformanan grandi.
Maxi piercing serca Naeem Khan.
No ta trata aki di un piercing comun. E renchi ta bay via
e parti central di e nanishi cu proporcionnan grandi y
riba dje e ta bay pega na e rechi orea di tal forma cu e ta
ocupa casi ful e cara.
Manganan extra largo di Noon by Noor.
Ora cu hende bisti manganan extra largo ta ponebo
corda tempo cu Enrique Iglesias tabata canta di su expe-
riencianan religioso. Ora cu nos mira e shimis cora aki
nos mente ta bay bek na añanan 90 y nos no ta sigur cu
comodo e lo ta pa bisti tampoco.
Ki lo hasi si nos mester bay un dinner of cocktail hour?
