Page 55 - MIN JUS

Director di DTZ y Gobierno di AVP ta purba
enforsa leynan nulo y sin validez

- Advertisement -

Parlamentario Andin Bikker:

ORANJESTAD (AAN): Como un siman pasa director di DTZ a saca un carta den cual ta
duna e reglanan pa loke ta uzo di medionan di comunicacion door di partidonan politico
durante e temporada for di awo te cu eleccion. Parlamentario mr. Andin Bikker, alabes
un abogado cu experticio amplio riba leynan di telecomunicacion, ta kere cu e
decretonan cu e director di DTZ ta basa su mes riba nan ta bay en contra di nos
Constitucion y pues no tin validez.

Den nos Constitucion articulo I:22 ta bisa claramente cu ora un ley ta contra nos
Constitucion manera ta e caso cu e decretonan aki, e mester wordo considera nulo
(“onverbindend”) y no e por wordo ehecuta. Segun articulo I:12 den nos Constitucion
ta poni tambe cu nos no por haci censura, pues no mester pidi permiso prome cu
expresa opinionnan, entre otro di indole politico. E articulo aki pues ta un otro base cual
ta mustra cu e decretonan uza door di e director di DTZ ta contra nos Constitucion.

Loke Parlamentario Bikker a tuma nota di dje tambe ta cu tin un trato desigual door di
DTZ ya cu direpiente tin tur sorto di programa di interview a “pop up” cu ta duna
espacio na Gobierno y asina pues na un forma sofistica AVP como partido den Gobierno
ta pretende cu nan no ta bezig cu programanan di indole politico y basicamente ta
bypass e mesun decretonan ey cu DTZ kier aplica pa otro partidonan.Ta keda na DTZ y