Page 28 - AWEMAINTA

28 AWEMainta Diaranson, 14 Juni 2017

Pop-Up Café na Cas di Cultura,

maneha pa alumno di EPI

DI 12 te cu 16 di juni, entre 7:30am y 2:00pm, 5 alumno
dinamico di e sector di hospitalidad di EPI ta haciendo nan
‘module’ di trabou boluntario na Cas di Cultura pa medio di
un Pop-Up Cafe cu nan ta yama ‘Los Italianos’.

Cas di Cultura tabata contento di por a yega den contanto cu
e grupo aki via un di Cas di Cultura su boluntarionan fiho.
Hunto cu comunidad y gruponan cu tin un plan concreto
artistico, cultural of social, Cas di Cultura sa wak con pa
hunto realisa esaki di un manera cu ta den beneficio di tur
colaborador.
Asina p. e. na luna di maart hunto cu fundacion Art Rap a pre-
senta e produccion “Diaranson Anochi” pa dia internacional
di teatro. Esaki tabatin e meta pa trece mas teatro riba tarima.

Cu e colaboracion cu EPI aki no solamente hobennan ta
drenta nan teatro nacional, cual porta normalmente kisas no
ta den nan ruta, pero tambe e spirito di boluntarismo ta wordo
motiva den un ambiente diferente unda e hobennan tabatin
hopi oportunidad pa duna nan propio input.
Pues nan talentonan natural ta wordo stimula y ta wordo
amplia.

E menu cu nan ta pensa ta simpel y dushi pa desayuno y lunch:
tin p. e. smoothies, stokbrood horna cu diferente beleg, mini
pizza, salada di pasta cu extranan manera pesto, tapanada,
tomati, arugola y diferente cos di bebe. Pa ful e menu y e
prijsnan por bay rib’e pagina di Facebook di Cas di Cultura.

Po ultimo Cas di Cultura y EPI ta invita comunidad pa bin
apoya e hobennan aki, mientras nan ta aportando cu nos
teatro nacionaly y ta haya chens pa practica locual nan a siña.