Page 9 - POST ARUBA

algun cambio den e formulario aki, unda cu a inclui e seccion nobo, cual ta un
deduccion pa personanan cu tin debe di estudio. Esaki ta un parti importante,
unda cu tin basta cliente cu ta den e situacion aki, cu nan por haya e posibilidad

di deduci esaki for di nan entrada fiscal, asina ta paga menos belasting. Esey,
segun Sra. Romano, ta un di e cambionan importante cu tin ariba e formulario.

Departamento di Impuesto ta haci un apelacion na su clientenan pa cumpli cu
nan declaracion, pa motibo cu e declaracion aki ta un documento hopi

importante. Ora cu’n cliente ta duna di conoce kico tabata su entrada real, pero
e tambe ta duna di conoce su gastonan cu e tabata tin, cu por ta deducibel di su

entrada. Asina por yega na un entrada real pa e cliente, y asina e cliente ta
haya oportunidad di paga belasting manera cu e mester paga.

Impuesto ta algo cu nos tur tin cu paga. Y nos ta paga tur locual cu nos mester
paga. Y si encaso cu e cliente no ta worry pa entrega su declaracion, e ora e

Inspector ta bay over na manda un cobransa taxativo, y no ta recomendabel pa
cliente hay’e den un situacion asina. Un calculacion semper pro resulta di ta di

mas, y e cliente ta hay’e ta paga impuesto ariba un entrada mucho mas halto di
loke realmente el a haya na 2016. Pesey, yenando e formulario di declaracion

aki, e cliente ta cumpli cu su obligacion, pero e tin derecho di deduci su
gastonan. Ta e unico manera pa deduci su gastonan. Si e no ta yena e
formulario di declaracion, e no por deduci su gastonan. Na mesun momento, cu

e ta cumpli cu su oblgiacion fiscal, e tin e derecho di bisa e Inspector di
Belasting, cu esaki ta e gastonan cue ta desea di deduci, y e ta pone hunto cu

tur e comprobantenan, y ta entreganan na Departamento di Impuesto.
E luna di Juli ta e luna unda cu hopi hende ta bay cu vakantie y ta partiendo e

formularionan aki, y ta premira cu pa 1 di Augustus tur cliente lo tin e
formulario den su man. Si pa cualkier motibo, si e cliente no ricibi su

declaracion, e lo por pasa na Departamento di Impuesto, pa busca un
duplicado.
Na e momentonan aki, no ta papiando ainda di pagamento. Pero ta bay ariba e

declaracion, di gasto y entradanan na 2016. Despues di tempo, ora cu e
Inspector di Belasting, bay traha ariba su declaracion, e ta fiha su entrada fiscal

y ariba e entrada fiscal aki, ta fiha kico ta e suma di belasting cu e cliente