Page 53 - AHATA

Manera ta conoci, aña pasa 2018 Ministerio di Desaroyo Teritorial, Infrastructura y

Medio Ambiente tawata cla pa introduci riba prome di januari 2019, e ley di prohibicion

di “single use plastic.” Ta referina productonan desechabel di plastic di un solo uzo, pero

tambe e prohibicion di productonan cu ta contene kimico oxybenzone den cremanan anti

solar.

Gobierno di Aruba a anuncia e campaña ‘Choose Zero, cual ta encera nada di plastic,

nada di foam y nada dioxybenzone. Abo tambe por compromete na e solucion.’

Awe DNM ta contento di anuncia cu e fecha oficial cu e ley ta bini na vigor ta dia prome
di juli 2020. E no ta noticia cu mundialmente tin hopi esfuerso ta wordo haci pa caba of

minimalisa e uzo di productonan di plastic di un solo uzo.

Mundialmente polucion di plastic ta un fenomeno alarmante como cu esaki ta forma un

peliger pa nos naturalesa y medio ambiente. Na Aruba tambe nos mester ta mas
consciente di e uzo di productonan desechabel di plastic manera plastic cups, plastic

forki, cuchara, cuchiu y pijp. Nan so no ta daña nos medio ambiente, pero tambe

productonan cu ta contene oxybenzone den cremanan. E prohibicion aki ta encera benta,

distribucion y otorgamento di e productonan ya menciona.

Mientras cu nos ta conscientisa pueblo di e dañonan di polucion di plastic, hunto cu esaki

ta bini leynan cu mester ta bon funda y cu mester haya aprobacion pa asina tin un base

solido pa controla e prohibicion. P’esey implementacion di e ley a conoce un tardansa.

Ademas a brinda comercio tempo suficiente pa haci tur cambio necesario pa cumpli cu e

ley.