Page 5 - ATA FEB 26, 2015

Diahuebs Februari 26 2015 Pagina 9

Muher di edad a cay den cas for di
mainta y a haya ayudo anochi

Polis a bay diamars pa 20:55, na un cas na Savaneta,
unda un persona den un cas ta pidi pa ayudo. Na e sitio e
homber C. a bisa cu e su ruman muher J.C. ta biba den e
cas. El’a tende su ruman grita pa ayudo y ta pensa cu e
ruman a cay. Hunto cu Polis nan a para na e bentana y a
tende grito. Central a manda e compania di Good Lock and
Key Services na e sitio y nan a habri e porta di e cas. Polis
a drenta paden y a mira cu e cas ta sushi y tur reboltia. E
muher J.C. tabata riba vloer. El’a bisa cu mainta 7:00, el’a
bay baña y a perde equilibrio y como cu e tin problema cu
su pia robez, el’a cay y a dal su cabez. E tabata keha di
dolor na su pecho y tambe su pianan y heup. Personal di
ambulance a bin na e sitio, pero na prome instante e no
tabata kier a haya ayudo, pero despues cu Polis y personal
di ambulance a papia cune, el’a acepta di bay poli pa
tratamento.

Tas den auto a cria pia

E muher R.H. a bay diamars 19.15, warda di Polis pa
duna keho di kiebro y ladronicia den su auto. Segun su
declaracion, el’a bay cana na Grape Field y a laga su auto
na yabi. Ora cu el’a bolbe, el’a mira cu e glas di auto tabata
kibra y el’a mira cu nan a bay cu su tas, den cual tin su
cartera y papelnan importante. Polis a tuma e keho.

Mirna Koolman-Maduro

Awe nos ta canta happy birthday pa Mirna
Koolman-Maduro

E ta cumpli awe 60 aña mas di bida. Bendicion ta
bini di parti di su mayornan Machinita y Pa Betto,
su rumannan Rochi, Nel y Marlene. Felicitacion ta
bin di su casa Mando, su yiunan Julisa y Melissa,
su nietonan Jamil, Amir, Jemelaine, Mirziah, Zahir

y Nelisha. Enjoy!