Page 38 - social

Minister Paul Croes lo defende Aruba dilanti comision
derecho di mucha.

Sunday, 24 May 2015 16:10
Comparti

Minister di Asuntonan Social y Hubentud drs. Paul Croes lo ta na Ginebra e siman aki pa asina duna
raportahe riba e situacion di derecho di mucha y hobenan den nos pais.

E raportahe aki ta forma parti di cumplimento cu e tratado di derechonan di mucha cu Aruba tambe ta
forma parti di dje. " Pa’mi ta sigur un responsabilidad grandi pa forma parti di delegacion di Reino
Hulandes y encabesa e delegacion di Aruba pa asina duna un bista riba situacion di Aruba pa locual ta
nos muchanan", esaki Minister Paul Croes a comenta. E raportahe aki ta importante pa paisnan rond di
mundo cu a ratifica e tratado menciona. Topiconan hopi importante riba agenda ta e cuido, educacion,
formacion, salud y participacion di muchanan y hubentud na desaroyo den nos sociedad. Gabinete Mike
Eman ll a demostra di pone hopi enfasis riba e maneho integral di nos hobenan y a bin cu varios
programa y maneho pa asina atende cu nos muchanan. Tin hopi programa pa motiva y encurasha nos
hobenan pa escohe e caminda positivo den nan bida. Mayornan, educadornan, fundacionan,
departamentonan y gobierno mester uni den e reto importante aki pa nos muchanan ” Segun Minister
Paul Croes. Tambe Minister Croes lo mustra riba diferente projectonan cu gobierno hunto cu
fundacionan ta bin cune pa apoya e derechonan di mucha. "Abuso di mucha ta keda halto riba mi lista di
prioridad. Nos ta trahando duro riba prevencion, proteccion y cuido di nos muchanan", Croes a finalisa
bisando.

http://www.24ora.com/politica-mainmenu-18/95471-minister-paul-croes-lo-defende-aruba-dilanti-
comision-derecho-di-mucha-