Page 4 - UTILITIES

Autoridad na Venezuela parce ta drumi y sin control na
costa: Gasolin cu yega Aruba for di Venezuela ta sali ilegal y

drenta legalAutoridad na Venezuela parce ta drumi y sin

control na costa: Gasolin cu yega Aruba for di Venezuela ta
sali ilegal y drent

Thursday, 29 June 2017 21:11
Comparti

Por a tuma nota cu tin un preocupacion atrobe cu e situacion di gasolin. Hasta polis a vocifer’e. Nan ta
preocupa cu tin boto ta drenta mas cu un biaha den waf.

Con cu bay bin, douane ta klaar in y aparentemente nan ta bisa cu ta paga pa liter. Pero tin cierto cosnan
cu no ta corecto. Director di departamento di Douane, Ricky Croes a splica cu nan ta mira e situacion
eynan y nan ta bon na altura di hopi cos. Tin cu bisa cu e hecho cu na Venezuela e prijs di gasolin ta asina
barata, nan ta cumpr’e, nan ta bin Aruba cun’e den bari, nan ta paga accijns riba dje, haci tur cos legal y
drenta cun’e. Esey eigenlijk en principio no por haci nada cun’e. Si ta na altura cu e ta sali for di
Venezuela ilegal, pasobra cu e prijs cu nan tin y nan ta bende na Venezuela, ta uno cu nan ta uza
solamente pa uzo local y no pa exportacion. Douane ta trahando riba esey y ta mira con pa pak’e aan
hunto cu otro stakeholdernan, den e caso aki Astec, APA cu ta bay over di siguridad tambe. Pa locual ta
Douane, esunnan cu ta bin den bari, nan ta paga invoerrechten, accijnzen y nan por bay. Si mester haci
algo cu e situacion.
Estorbo

Segun Croes, den pasado tabata tin diferente acuerdo cu a wordo traha. Ta bay riba e siguridad mas
tanto. Brandweer tambe por a cay aden, cu ta bay na cas di e hendenan of unda cu e gasolin ta wordo
warda y eynan nan ta wak si e luga ta sigur of no. Nan por prohibi esey.

Free for all
Tin casonan cu Douane por actua riba dje. Diabierna cu a pasa por cierto, Croes a sinta cu hefe di waf pa
wak e miho manera cu por pak e aan. Ta bay traha cu e otro instancianan cu por yuda. Esta Directie
Scheepvaart por ehempel. Tin hopi di e botonan aki, nan ta extende nan tanki, hacinan mas grandi pa
nan por yena mas gasolin den dje. Tabata tin un caso den corte unda cu hues a bisa cu si e tanki di
gasolin ta pega riba e motor, bo por considera esey como eigengebruik of scheepsvooraad, manera cu ta
wordo yama. E ora e por drenta free. Pero asina ey mes tin cu wak e ora si por yega na un areglo cu
Directie Scheepvaart pa e grandura di e tanki, siguridad di boto y wak con ta pak’e aan asina ey.
Mas cu un biaha

Douane ta na altura cu nan ta bay mas cu dos biaha pa Venezuela pa gasolin. E hendenan aki ta klaar in y
klaar uit. Locual ta esun cu ta bin den e tanki, por pak aan na un manera cu por yega na algo cun’e
huridico. Esunnan cu nan ta bin cun’e den bari, esey ta bira mas dificil pasobra nan ta drenta cun’e legal.